म्याग्दी, साउन-१५, बेनी नगरपालिकाको वडा नम्बर १० ओखलेका ३९ वर्षीय देबेन्द्र केसी १० दिनदेखि सम्पर्कविहीन भएका छन्। साउन ५ गते घरबाट सदरमुकाम बेनीबजार आएका केसी त्यसयता परिवारको सम्पर्कबाहिर रहनुभएको हो।
देबेन्द्र केसीको खोजीमा संलग्न उहाँकी श्रीमती दुर्गा केसीका अनुसार साउन ९ गते कालिपुल बसपार्क क्षेत्रमा देखिएको भन्ने प्रत्यक्षदर्शीको भनाइ छ। “कालिपुलस्थित एक खाजाघरमा खाजा खाएर निस्किएको, त्यसपछि बस चढेको हुनसक्छ भन्ने पनि सुनिएको हो, तर यथार्थ पुष्टी हुन सकेको छैन,” दुर्गा केसीले जानकारी दिनुभयो।
केसीको खोजीका लागि परिवारले जिल्ला प्रहरी कार्यालय म्याग्दीमा निवेदनसमेत दर्ता गरिसकेका छन्। प्रहरीले कालिपुल क्षेत्रको सिसी टिभी फुटेज, त्यहाँ रहेका सवारी चालकसँगको सम्पर्क र परिवारजनसँग समन्वय गर्दै खोजीकार्य भइरहेको जनाएको छ।
बेपत्ता देबेन्द्र केसीलाई देख्नुभएको वा भेट्नुभएको भए नजिकको प्रहरी कार्यालय वा तल दिइएको सम्पर्क नम्बरहरूमा तुरुन्त जानकारी दिन उहाँकी श्रीमती दुर्गा केसीले सबैमा अपिल गर्नुभएको छ।
सम्पर्क नम्बरहरू:
📞 ९८६७६४५०१२
📞 ९८४८२४६३०६
