बेनी, साउन-१२, म्याग्दीको बेनी नगरपालिका–६ डम्बरा स्थित घुम्तीमा जीप र स्कुटर एक आपसमा ठोक्किँदा स्कुटर चालक गम्भीर घाइते भएका छन्।
बेनीबाट पश्चिम तातोपानीतर्फ जाँदै गरेको बाग्मती प्रदेश ०३–०१ च १५२३ नम्बरको जीप र तातोपानीबाट बेनीतर्फ आउँदै गरेको ग २१ प ६७९२ नम्बरको स्कुटर ठोक्किँदा मंगला गाउँपालिका–२ सिमलचौरका २९ वर्षीय उमेश केसी गम्भीर घाइते भएको जिल्ला प्रहरी कार्यालयले जनाएको छ।
घाईते केसीको टाउको, अनुहार र खुट्टामा गम्भीर चोट लागेको छ भने बोलेरो चालक बिएस धौलागिरी कम्पनीका बागलुङका सागर श्रीषलाई सामान्य चोट लागेको छ । घाईते केसीको बेनी अस्पतालमा उपचार भइरहेकोमा अवस्था गम्भीर रहेकाले थप उपचारका लागि पोखरा पठाउने तयारी भइहरेको प्रहरी निरीक्षक सागर पौडेलले बताउनुभयो ।
घटनामा संलग्न विएस धौलागिरी कम्पनीको जीप चालक, जैमिनी नगरपालिका–बागलुङका सागर श्रीषलाई प्रहरीले नियन्त्रणमा लिएको छ। घटनाको थप अनुसन्धान भइरहेको प्रहरीले जनाएको छ।
