म्याग्दी, साउन १२ –म्याग्दीको बेनी नगरपालिका–१० पाल्लेखेतकी ७० वर्षीया बृद्धा चन्दकला भण्डारी १४ दिनपछि मृत अवस्थामा फेला पर्नुभएको छ।
गत असार २८ गते शनिबार बिहान आफ्नै घरबाट बेपत्ता भएकी भण्डारीको शव आज बिहान गाउँतलको बान्द्रे पहिरोको तल सुतिरहेको अवस्थामा फेला परेको स्थानीय बिजुन केसीले जानकारी दिनुभयो। शव सडेगलेको अवस्थामा भेटिएको छ।
बेपत्ता भएपछि परिवार, छिमेकी र सुरक्षाकर्मी समेतको टोलीले पाल्लेखेत, घतान, तोरीपानी, बेनीबजार तथा रघुगङ्गा गाउँपालिका–५ झिँ गाउँसम्म खोजी अभियान सञ्चालन गरिएको थियो। साथै प्रहरीमा पनि खोजीका लागि जाहेरी दिइएको थियो।
भण्डारी मानसिक रोगी भएको बताइएको छ। शव भेटिएपछि प्रहरीलाई जानकारी गराइएको छ र घघटनास्थलमा प्रहरीको टोली पुग्दै छ । शव पोष्टमार्टमका लागि बेनी अस्पतालमा ल्याएर कानुनी कानुनी प्रक्रिया पूरा गरी अन्त्येष्टि गरिने पारिवारिक स्रोतले जनाएको छ।
