पर्वत: पर्वत जिल्लाको जनजला गाउँपालिका वडा नं. २ मल्लाज निवासी २७ वर्षीय विक्रम अधिकारीको स्वास्थ्य उपचारका लागि सहयोग अपील गरिएको छ। झलक बहादुर अधिकारी र याम कुमारी अधिकारीका छोरा विक्रम अधिकारी गत असार २३ गते बिहीबार अपरान्ह मोटरसाइकल दुर्घटनामा परी गम्भीर घाइते भएका हुन्। दुर्घटनामा उनको टाउको र खुट्टामा गम्भीर चोट लागेको छ।
हाल उनको गण्डकी मेडिकल कलेज पोखरामा उपचार भइरहेको छ। घरको कमजोर आर्थिक अवस्था र उपचारका लागि ठूलो रकम आवश्यक परेकाले श्रीमती अनिता अधिकारीले सार्वजनिक अपील गर्नुभएको हो।
अपीलमा सम्पूर्ण शुभचिन्तक, आफन्तजन एवं देश विदेशमा रहनु भएका नेपाली दाजुभाइ तथा दिदी बहिनीहरूसँग स्वास्थ्य उपचारमा सहयोग गरी जीवन रक्षाको लागि अनुरोध गरिएको छ।
बैंक खाता: Global IME Bank खाता नं: ०१२०७०१०००६८९९ मा रकम जम्मा गर्न सकिन्छ अथवा परिवारजनलाई प्रत्यक्ष हस्तान्तरण गर्न सकिन्छ।
सहयोग गर्न इच्छुक व्यक्तिहरूले माथि उल्लेखित सम्पर्क नम्बरहरूमा सम्पर्क गर्न सकिने छ।
