बेनी, जेठ-२८, म्याग्दीको बेनीबाट सुरु भई धौलागिरी हिमालको आइसफलसम्म पुग्ने यो पदमार्गको सम्भाव्यता अध्ययन गर्न एक टोली सक्रिय रूपमा लागिपरेको छ। यस टोलीमा पर्यटन विज्ञ ज्ञानेन्द्र घले, ध्रुवकुमार पाइजा र रिम पाइजा लगायतका व्यक्तित्वहरू सहभागी हुनुहुन्छ।
अध्ययन टोलीले बेनी, रुइसे डाँडा, खोला खर्क, सबाङ धुरी, कालिभारा, आइसफल, सुङ्गथला हुँदै पुनः बेनीसम्मको क्षेत्रमा विस्तृत अध्ययन गरिरहेको छ। यस पदमार्गले पर्यटकहरूलाई धौलागिरी हिमशृङ्खलाको मनमोहक दृश्यसँगै यस क्षेत्रको जैविक विविधता, गाउँले जीवनशैली र स्थानीय संस्कृतिको अनुभव प्रदान गर्ने अपेक्षा गरिएको छ।
यो महत्त्वपूर्ण अध्ययन नेपाल पर्यटन बोर्ड र रघुगङ्गा गाउँपालिकाको आर्थिक सहयोगमा सञ्चालित छ भने म्याप हाउसले प्राविधिक समन्वय गरिरहेको छ। पूर्वमन्त्री थम माया थापा र रघुगङ्गा गाउँपालिकाका अध्यक्ष भवबहादुर भण्डारीको सक्रियतामा यो पदमार्ग अध्ययन अगाडि बढेको हो।
यस पदमार्गको विकासले यस क्षेत्रको पर्यटन प्रवर्धनमा ठूलो टेवा पुग्ने र स्थानीय समुदायको आर्थिक विकासमा समेत सकारात्मक प्रभाव पार्ने विश्वास लिइएको छ।
