जलजला, साउन-२२, पर्वतको जलजला-२ स्थित समाजकल्याण प्राथमिक विद्यालयका विद्यार्थीहरुलाई पोशाक तथा शैक्षिक सामाग्री वितरण गरिएको छ । बुधबार विद्यालयमा आयोजित एक कार्यक्रममा स्वर्गिय शंकर जिसी, अभिषेक बरुवाल र सुरेश मल्लको आठौँ वार्षिक पुण्यतिथिमा स्वर्गीय साथीहरुको स्मृतिमा बादल जिसी, विजय जिसी. प्रभा जिसी र रजत मल्लले ३५ सेट ट्रयाक सुट वितरण गरेका हुन् । उक्त कार्यक्रममा वडा नं २ वडा कार्यालयबाट प्राप्त ३५ सेट समेत गरि ७० सेट ट्रयाक सुट वितरण गरिएको हो ।
कार्यक्रममा स्वर्गीय संकर जिसीका आमा कोपिला जिसीले सम्पूर्ण विद्यार्थीलाई शैक्षिक सामग्री (कापी र कलम ) र अभिषेक बरुवालको आमा सुनिता बरुवालले नगद ३००० रुपैयाँ प्रदान गर्नुभयो ।
पोशाक तथा शैक्षिक सामाग्री वितरण कार्यक्रममा वडा सदस्य शान्ति नेपाली, विद्यार्थीहरु किस्मिता नेपालीले मन्तब्य ब्यक्त गरेका थिए । विद्यालय ब्यबस्थापन समितिका अध्यक्ष कमल बोहाराको अध्यक्षता, वडा नं २ का अध्यक्ष प्रकाश घर्ती क्षेत्रीको प्रमुख आतिथ्यता, विद्यार्थी पवित्रा नेपालीको स्वागत र विद्यालयका प्राधानाध्यापक डम्बर बहादुर घर्ति क्षेत्रीको संचालनमा सम्पन्न भएको थियो ।
आठ वर्ष अघि वि.सं. २०७३ सालमा उच्च शिक्षा अध्ययनको शिलशिलामा पोखरा गएका शंकर, अभिषेक र सुरेसको साउन २० गते पौडी खेल्ने क्रममा डुबेर ज्यान गएको थियो ।
