देवी जिसी/मालिका, असार-१०, म्याग्दीको मालिका गाउँपालिकामा एक दिने पशुस्वास्थ्य शिविर सम्पन्न भएको छ । मंगलबार मालिका गाउँपालिका पशुसेवा शाखा र संगम म्याग्दीको संयुक्त आयोजनामा मालिका गाउँपालिका र गुड नेवर्स इन्टरनेशनल नेपालको आर्थिक तथा प्राविधिक सहयोगमा पालिकाको वडा नं ५ देविस्थान, दाङ्गगामा एक दिने निशुल्क पशु स्वास्थ्य शिविर सम्पन्न भएको हो ।कार्यक्रम सम्पन्न भएको हो ।
शिविरमा तिन जना पशु स्वास्थ्य प्राविधिकद्वारा करिब ३००० वटा पशु तथा पन्छीहरूको रोगको जानकारीको आधारमा आवश्यक परामर्श र निशुल्क औषधि वितरण गरिएको थियो साथै शिविरमा शिविरमा ६१ घरपरिवारका पशुपन्छीहरूको स्वास्थ्य परामर्श प्रदान गरिएको अधिकृत असुन रिजालले दिनुभयो।
शिविर समापनको अवसरमा मालिका गाउँपालिका वडा नं ५ का सदस्य धन बहादुर फगामीले पशु सेवा शाखाको कुनैपनि कर्मचारी तथा कार्यालय नभएको विकट क्षेत्र देविस्थानमा कार्यक्रम सञ्चालन गर्नुभएकोमा संगम म्याग्दी र मालिका गाउँपालिका पशु सेवा शाखालाई विशेष आभार व्यक्त गर्दै यस्ता जनमुखी कार्यक्रमहरू भविष्यमा पनि ल्याउन अनुरोध गर्नुभयो। उहाँले यस्ता शिविरहरूले स्थानिय स्तरमै स्वस्थ तथा निरोगी पशुपन्छी पालन गर्ने र कृषकहरूको आम्दानी वृद्धि गर्नेमा योगदान पुर्याउने आशा व्यक्त गर्नुभयो।
शिविरमा संगम म्याग्दीका उपाध्यक्ष देवी जी.सी., कोषाध्यक्ष जानुका अधिकारी, वडा सदस्य धन बहादुर फगामी, संगम म्याग्दीका कार्यक्रम अधिकृत विश्वनाथ आचार्य, मालिका गाउँपालिकाका पशु सेवा शाखा प्रमुख असुन रिजाल, पशु प्राविधिक अर्जुन चोखाल र पविता पुन, मालिका गाउँपालिका शिक्षा स्वयंसेवक नविना पुन, देविस्थानका समाजसेवी लगायतको उपस्थिती रहेको थियो।
