म्याग्दी, असार -१, म्याग्दीको अन्नपूर्ण गाउँपालिकामा बालमैत्री स्थानीय शासन घोषणाका लागि विद्यालय स्तरीय सरोकार वाला निकायबीच अभिमुखीकरण तथा प्रतिबद्धता जाहेर कार्यक्रम सम्पन्न भएको छ। शनिबार ज्ञान प्रकाश नमुना माध्यमिक विद्यालय, अन्नपूर्ण ३ दाना म्याग्दीमा आयोजित उक्त कार्यक्रममा बालमैत्री स्थानीय शासन घोषणाका लागि विभिन्न सरोकार वाला निकायहरूबीच अभिमुखीकरण र प्रतिबद्धता जाहेर गरिएको हो।
मिलन म्याग्दीको आयोजना र अन्नपूर्ण गाउँपालिकाको आर्थिक सहयोगमा संपन्नसम्पन्न कार्यक्रममा २०८२ साल चैत मसान्तसम्म पूरा गर्ने गरि ५१ वटा सूचकहरूमा छलफल गरी सरोकारवालाहरुबीच प्रतिबद्धता जाहेर गरिएको थियो। यस अभियानले विद्यालय र समुदायमा बालमैत्री वातावरण निर्माण गर्ने अपेक्षा गरिएको छ। बालबालिकाको शारीरिक, मानसिक, र भावनात्मक विकासलाई प्राथमिकता दिने उद्देश्यले कार्यक्रम आयोजना गरिएको हो।
सामाजिक विकास कार्यालय म्याग्दीका कार्यालय प्रमुख रमेश थापा र मिलन म्याग्दीका अध्यक्ष दिलु बिटालुले कार्यक्रमको सहजीकरण गर्नुभएको थियो। कार्यक्रममा सहभागी सरोकार वाला निकायका सदस्यहरूले बालमैत्री शासनका लागि विभिन्न उपायहरू र आवश्यक कदमहरूको विषयमा छलफल गरेका थिए।
बालबालिकाको सर्वांगीण विकास र अधिकार संरक्षणमा महत्वपूर्ण भूमिका खेल्ने विश्वास गरिएको यस कार्यक्रमले विद्यालय र समुदायमा सकारात्मक परिवर्तन ल्याउने अपेक्षा गरिएको छ। उपस्थित सबै सरोकारवालाहरूले आफ्ना तर्फबाट पूर्ण सहयोग र प्रतिबद्धता जनाएका थिए।
यस अभिमुखीकरण तथा प्रतिबद्धता जाहेर कार्यक्रमले बालबालिकाको हितमा काम गर्ने विभिन्न सरकारी र गैरसरकारी संस्थाहरूसँग समन्वय र सहकार्यलाई सुदृढ बनाउने लक्ष्य राखेको छ। आगामी दिनहरूमा यस्ता कार्यक्रमहरू निरन्तर आयोजना गरी बालबालिकाको हितमा थप कदमहरू चालिने आयोजकले जनाएका छन्।
बालमैत्री स्थानीय शासन घोषणाका लागि गरिएको यस प्रतिबद्धता जाहेर कार्यक्रमले समाजमा बालबालिकाको हक र अधिकारको संरक्षण तथा प्रवर्द्धनमा महत्वपूर्ण योगदान दिने विश्वास गरिएको छ।
कार्यक्रम विद्यालय व्यवस्थापन समितिका अध्यक्ष बेल बहादुर पुर्जाको अध्यक्षता, प्रधानाध्यापक शान्त बहादुर नेपालीको स्वागत र सामाजिक विकास कार्यालयका सुब्बा रमेश पुनको स्वागतमा सम्पन्न भएको थियो ।
