देवी जी. सी./बेनी, जेठ-१७, म्याग्दीको बेनी नगरपालिका वडा नं ८ का महिलाहरुलाई क्षमता बिकास अन्तर्गत तिनदिने उद्घोषण तथा भाषण कला तालिम दिईएको छ । बेनीको कालिगण्डकी आमा समुहको आयोजनामा जेठ १५ गतेदेखि १७ गतेसम्म उद्घोषण तथा भाषणकला तालिम दिइएको हो ।
तिन दिनसम्म संचालन भएको तालिममा बेनी नगरपालिका वडा नं ८ का ३५ जना महिलाहरु सहभागिता जनाएका थिए । महिलाहरुलाई उद्घोषण र भाषणकलामा सक्रिय बनाउने उद्देश्यले क्षमता अभिवृद्धि तालिम आयोजना गरिएको कालिगण्डकी आमा समुहले जनाएको छ ।
तालिमको नेपाल जेसिजका पुर्व उपाध्यक्ष तथा बाग्लुंग जेसिसका पुर्व अध्यक्ष सुदिप राजभन्डारीले सहजीकरण गर्नुभएको थियो । तालिममा उद्घोषण तथा भाषणकला, कार्यक्रम सञ्चालन गर्ने तौरतरिका, कार्यक्रममा सम्बोधन, स्वागत र शुभकामना मन्तव्य व्यक्त गर्ने तरिका, क्षमता अभिवृद्धि, महिला अधिकारलगायत विविध विषयहरुमा सहजीकरण गरिएको थियो ।
तालिमको समापन समारोहमा प्रमुख अतिथि वडा नं ८ का सदस्य याम बहादुर बानियाले तालिमले महिलाहरुको बिलने क्षमतो विकास गरेको र सिक्ने क्रम निरन्तर चलिरहने प्रक्रिया भएकोले यो तालिमले सिकाइलाई अझै निरन्तरता दिन सहयोग पुगेको बताउनुभयो । त्यसैगरी प्रशिक्षक राजभण्डारीले महिला भनेको घरको नेता भएको र महिलाको क्षमता बिकास भएमा त्यसको प्रभाव परिवारलाई पर्ने हुँदा परिवारको क्षमता बृद्दी हुने बताउनुभयो ।
कार्यक्रममा शिक्षा मार्ग आमासमुहको तर्फबाट विष्णु कार्की, सहभागीको तर्फबाट खुमा खड्का, सुनिता के.सी., कमला शर्मा, मधु रोका, याम कुमारी विश्वकर्मा, अस्मिता सेन्चुरी हेमकुमारी विश्कर्मा, रशिला खत्री, योगमाया गौतम लगायतले मन्तब्य ब्यक्त गएका थिए ।
समापन कार्यक्रम कालिगण्डकी आमा समुहका अध्यक्ष रामकुमारी गौचनको अध्यक्षता, बेनी नगरपालिका वडा नं ८ का सदस्य याम बहादुर बानियाको प्रमुख आतिथ्यता र कालिगण्डकी आमा समुहका सचिव गौरी थापाको संचालनमा सम्पन्न भएको थियो ।
