जलजला, जेठ-११, पर्वतको जलजला -५, लेकफाँट स्थित ग्राम प्रकाश माविले विद्यार्थीहरुलाई छात्रवृत्ति वितरण गरेको छ । शुक्रबार विद्यालयमा आयोजित एक कार्यक्रममा कक्षा १ देखि १० सम्मका विद्यार्थीहरुलाई छात्रवृत्ति वितरण गरेको हो । विद्यालयले कक्षा १ देखि ८ सम्मका विद्यार्थीहरुलाई दलित छात्रवृत्ति र कक्षा १ देखि ८ सम्मका छात्राहरुलाई लाई प्रति विद्यार्थी चारसय रुपैयाँका दरले छात्रवृति वितरण गरेको हो ।
छात्रवृत्ति वितरण गर्दै कार्यक्रमका प्रमुख अतिथि जलजला गाउँपालिका वडा नं ५ का अध्यक्ष तिलक बहादुर जिसीले विद्यार्थीलाई थोरै भएपनि स्टेसनरी सामान खरिद गर्न सघाउ पुगोस भन्ने उद्देश्यले विद्यार्थीको सहयोग स्वरूप वितरण गरिएको बताउनुभयो ।
कार्यक्रममा विद्यालयका प्रधानाध्यापक भवानी संकर पौडेलले उपस्थित अभिभावकलाई विद्यालयले अगाडी सारेका सबै प्रकारका कार्यक्रममा साथ दिन अनुरोध गर्नुभएको थियो । विद्यालय ब्यबस्थापन समितिका अध्यक्ष याम शर्मा पौडेलले ग्राम प्रकाश माविले शैक्षी सुधारको लागी अगाडी सारेका योजनालाई अभिभावकले साथ दिदै आउनुभएको र यस वर्ष पनि केहि राम्रा अभ्यास गर्न लागेको र विद्यार्थीको हतमा हुने त्यस्ता कार्यक्रमलाई अभिभावकले साथ् दिनु पर्ने बताउनु भयो ।
छात्रवृत्ति वितरण कार्यक्रमा पश्चात विद्यालयमा भेला भएका अभिभावक हरुलाई अशल अभिभावाकत्व सम्बन्धि प्रशिक्षण गरिएको थियो । शिक्षक अभिभाक संघ, विद्यालय ब्यबस्थापन समिति र अभिभावकहरुलाइ संयुक्त रुपमा पुर्व विद्यार्थी कृष्ण बहादुर जिसीले प्रशिक्षण दिएका थिए ।
कार्यक्रम विद्यालय ब्यबस्थापन समितिका अध्यक्ष याम शर्मा पौडेलको अध्यक्षता जलजला गाउँपालिका वडानं ५ का अध्यक्ष तिलक बहादुर जिसीको प्रमुख आतिथ्यता विद्यालयका सहायक प्रधानाध्यापक नारायण मल्लको स्वागत र शिक्षक दिपेन्द्र पौडेलको संचालनमा सम्पन्न भएको थियो । कार्यक्रममा अभिभावक विद्यालयका पुर्व विद्यार्थी चन्द्रबहादुर विश्वकर्माले गीत तथा कविता र विद्यालयका छात्राहरुले नृत्यसमेत प्रस्तुत गरेका थिए ।
वि.सं. २०१५ सालमा स्थापना भएको विद्यालयमा कक्षा १२ सम्म पढाइ हुने गरेको छ गत वर्ष देखि प्राविधिक धार तर्फ कृषि र बागबानी विषयको पढाइ संचालन भएको छ ।
