बेनी, जेठ-१०, म्याग्दी जेसिजको २६ औं स्थापना दिवसको अवसरमा आयोजित जेसिज सप्ताह-२०२४ अन्तर्गत दोस्रो दिन प्रभावकारी भाषण कला कार्यक्रम सम्पन्न भएको छ । दोश्रो दिनको अवसरमा बिहिबार बेनी नगरपालिका-५ अवस्थित जेसिज गाउँ पुलाचौरमा आमा समुह र युवा क्लवका पदाधिकारी तथा सदस्यहरु लाई प्रभावकारि भाषणकला तालिम दिइएको हो ।
बेनी नगरपालिका-५ नं. वडा कार्यालयको सभाहमा सम्पन्न भएको कार्छयक्रममा भिरमुनि युवा क्लव,पुरुण्डे युवा क्लव,नयाँ गाउँ युवा क्लव, एकता युवा क्लव र भृकुटी आमा समुह बाट गरि जम्मा ३० जना पदाधिकारी तथा सदस्यहरुको सहभागीता रहेको थियो । तालिममा म्याग्दी जेसिजका पुर्व अध्यक्ष तथा नेपाल जेसिजका राष्ट्रिय सम्पादक जेसि सन्दिप खत्रीले प्रशिक्षण दिनुभयो ।
कार्यक्रम म्याग्दी जेसिजका शाखा अध्यक्ष जेसि दिनेश बानियाँको अध्यक्षता, म्याग्दी जेसिजका पुर्व अध्यक्ष तथा नेपाल जेसिजका राष्ट्रिय सम्पादक जेसि सन्दिप खत्रीको प्रमुख आतिथ्यता, म्याग्दी जेसिजका कार्यकारीणि उपाध्यक्ष जेसि कृष्ण प्रसाद पौडेलको स्वागत, र संचालन जेसिजका उपाध्यक्ष जेसि गोकुल सुनारको रहेको थियो । कार्यक्रममा म्याग्दी जेसिजका मेडिया म्यानेजर जेसि कपिल बानियाँको जेसिज आस्था पाठ बाचन गर्नुभएको थियो ।
