जलजला, बैशाख-२७, जलजला गाउँपालिका -५ लेखफाँट, गैरागाउँ स्थित देवीस्थान प्राथमिक विद्यालयका विद्यार्थीहरुलाई विद्यालय पोशाक वितरण गरिएको छ ।बुधबार विद्यालयमा एक कार्यक्रमको आयोजना गरि ३५ जना विद्यार्थीहरुलाई विद्यालयको पोशाक (ट्रयाकसुट), टिसर्ट, लगायतका सामाग्री वितरण गरिएको हो ।
देवीस्थान प्राथमिक विद्यालयका पुर्व विद्यार्थी गैरागाउँमा जन्मिएरअहिले बेल्जियममा बसोबास गर्दै आउनुभएका नविन पौडेल र हाल पोर्चुगलमा बसोबास गर्दै आउनुभएका बिनोद पौडेलले उपलब्ध गराउनुभएको ९१ हजार बराबरको सामाग्री वितरण गरिएको हो ।
जलजला गाउँपालिका वडा नं-६का अध्यक्ष तिलक बहादुर जिसीले पोशाक वितरण गर्नुभएको हो । अध्यक्ष जिसीले सहयोगी मनका धनिद्वय बिनोद पौडेल र नबिन पौडेललाई धन्यबाद दिंदै समाजमा जसले जसरि सक्छ त्यसरी नै सहयोग गर्दै सामाजिक जीवन चलाउदै जाने र यसले सामाजिक सम्बन्ध बलियो बनाउन सहयोग पुग्ने बताउनुभयो ।
कार्यक्रममा बिद्यालय ब्यबस्थापन समितिका सदस्य डेग बहादुर जिसीले शुभकामना मन्तब्य ब्यक्त गर्दै, बिनोद पौडेल र नबिन पौडेल अत्यन्तै सहयोगी भावनाका व्यक्ति भएको र क्लव मन्दिर लगायतका कामना सहयोग गरिरहनुभएको थियो फेरी विद्यालयलाई समेत यसरी सहयोग गरेकोमा धन्यबाद दिनुभयो ।
कार्यक्रम विद्यालय ब्यबथापन समितिका अध्यक्ष प्रकाश जिसीको अध्यक्षता, जलजला गाउँपालिका-५ का अध्यक्ष तिलक बहादुर जिसीको प्रमुख आतिथ्यता, बिव्यसका सदस्य रत्न बहादुर जिसीको स्वागत र निमित्त प्रधानाध्यापक द्रौपती रेग्मीको संचालनमा सम्पन्न भएको थियो ।
