बेनी, चैत-१, नेकपा एमाले बेनी नगर कमिटीको दोश्रो अधिबेशन सम्पन्न भएको छ । कमिटीको अधिबेशनले बेलबहादुर कटुवालको अध्यक्षतामा नया कार्यासमिति चयन गरेको छ । बुधबार बेनीमा भएको पार्टीको दोस्रो नगर अधिबेशनबाट कटुवाल अध्यक्ष पदमा निर्विरोध निर्वाचित हुनुभएको हो । अध्यक्ष पदका लागि कटुवाल बाहेक अरु कसैको उमेद्वारी नपरेपछि उहाँलाई निर्वाचन कमिटीले निर्विरोध निर्वाचित गरेको निर्वाचन कमिटीका अधिकृत रामप्रसाद शर्माले जानकारी दिनुभयो ।
त्यसैगरी उपाध्यक्षमा कृष्णदत्त पौडेल, सचिवमा भोज बहादुर रिजाल उपसचिवमा सुनिता के सी, उपसचीव बिबेक हमाल चयन हुनुभएको छ अधिबेशनले अन्य स्दसस्यहरु समेत सर्वासमत रुपमा चयन गरेको छ ।
अधिबेशनको राष्ट्रियसभाका निवर्तमान अध्यक्ष गणेशप्रसाद तिमिल्सिनाले उद्घाटन गर्नुभएको थियो अधिबेशन उद्घाटन गर्दै तिमिल्सेनाले पञ्चायत कालमा जस्तो दलमाथिको प्रतिबन्ध र अप्ठेरो तबरले राजनीति गर्न पर्ने अवस्था नरहेकोले राजनैतिक दलहरुले भ्रष्टाचार नगर्ने र जनपक्षिय काम गर्ने त्याग गर्नु पर्ने अवस्था आएको बताउनु भएको थियो ।
राष्ट्रियसभा सदस्य हुँदै अध्यक्ष भएर राजनैतिक गतिबिधि भन्दा बाहिर गएर छ वर्ष पछि राजनैतिक कार्यक्रममा सहभागीता जनाउनु भएका उहाँले पार्टीको कार्यक्रमको मञ्चबाटै पार्टीको सबै तहलाई धन्यवाद दिनुभएको थियो ।
कार्यक्रममा नेकपा एमालेका केन्द्रीय सदस्य भूपेन्द्र थापा, नरदेवी पुन, नेकपा एमाले गण्डकी प्रदेश कमिटी सदस्य हरिकृष्ण श्रेष्ठ, खुमबहादुर बानियाँ, किरण सापकोटा, सृजना केसी, जिल्ला कमिटी अध्यक्ष बालकृष्ण सुवेदी, मदन भण्डारी फाउण्डेसनका सचिव सन्तोष रावल, एमाले जिल्ला कमिटी उपाध्यक्ष प्रमोद श्रेष्ठ, सचिव थमसरा पुन, पूर्व अध्यक्ष देवेन्द्र केसी, उपसचिव सतप्रसाद रोका, नेकपा एमालेका पूर्व सचिव एवम् बेनी नगरालिकाका प्रमुख सुरत केसी, नेकपा एमाले जिल्ला कमिटीका पूर्व उपसचिव एवम् जिल्ला समन्वय समिति प्रमुख राजकुमार थापा, अन्नपुर्ण गाउँपालिका कमिटीका अध्यक्ष धनकुमार पुर्जा लगायतले मन्तव्य राख्नुभएको थियो ।
एमाले बेनी नगरकमिटीका अध्यक्ष नारायण जिसीको अध्यक्षता पूर्व उपाध्यक्ष लिलाराम गौतमको स्वागत तथा पूर्व सचिव एवम् जिल्ला कमिटी सदस्य शुवास विश्वकर्माको सञ्चालनमा उद्घाटनसत्रको समापन भएको थियो ।
