बेनीको प्रकाश माविमा बिज्ञान हाजिरी जवाफ प्रतियोगिता सम्पन्न, आयोजक विद्यालय प्रथम

बेनी,फागुन-८, म्याग्दीको  प्रकाश माध्यमिक विद्यालयको आयोजनामा सोमबार बेनीमा विज्ञान हाजिरी जवाफ प्रतियोगिता सन्पन्न भएको छ । प्रतियोगितामा म्याग्दी र पर्वत जिल्लाका १४ वटा विद्यालयले भाग लिएकोमा आयोजक प्रकाश मावि प्रथम भएको छ ।

त्यसैगरी प्रतियोगितामा  लिटिल गार्डेन बेनी द्वितीय  र रघुगंगा माध्यमिक विद्यालय पिप्ले तृतीय  भएका छन् ।

प्रथम हुने विद्यालयले ट्रफि र नगद दश हजार, द्वितीय हुने विद्यालयले नगद छ हजार र तृतीय हुने विद्यालयले नगद चार हजार रुपियाँ र प्रमाणपत्र प्राप्त गरेका छन् । प्रतियोगिताको उद्घाटन नेपाल रेडक्रस सोसाइटी म्याग्दीका सभापति अमर बानियाँले गर्नुभएको थियो । विजेता विद्यालयहरुलाई शिक्षा विकास तथा समन्वय इकाई प्रमुख दलबहादुर थापा, प्रकाश माविका प्रधानाध्यापक लेखबहादुर हमाल लगायतले पुरस्कार वितरण गर्नुभएकोथियो ।

युरेस अध्यक्ष लक्ष्मी पौडेलको अध्यक्षतामा सम्पन्न कार्यक्रममा सहाय प्रधानाध्यापक टेकप्रसाद सुवेदीको स्वागत र सप्रअ विनय श्रेष्ठको संचालनमा उदघाटन सत्र सम्पन्न भएको थियो । विद्यालयले आयोजना गरेको यो प्रतियोगिता  एघारौं संस्करण हो । युरेस व्यवस्थापन र प्रकाश बालक्लव सहयोगी रहेको प्रतियोगितामा विज्ञान, गणित, लगायत ८ वटा राउन्ड सञ्चालन गरिएको तथा पहिलोपटक आइसिटी प्रविधि प्रयोग गरि नयाँ प्रयोग गरिएको मुल संयोजक एवम् ११/१२ तह संयोजक कविराम थापाले बताउनुभयो ।

प्रकाश मा. वि.  म्याग्दीमा कक्षा ११/१२मा विज्ञान विषय अध्यापन गराउंदै आइरहेको एक मात्र विद्यालय हो ।