म्याग्दी, फागुन-७, राष्ट्रिय प्रजातन्त्र दिवसको अवसर पारेर म्याग्दी जेसीजले सोमबार बेनीस्थित जिल्ला कारागारमा खेलकुद सामाग्री बितरण गरेको छ । “प्रजातन्त्र दिवस” को अवसर पारेर युवाहरुको तर्फबाट म्याग्दी कारागारमा खेलकुद सामाग्री बितरण गरिएको म्याग्दि जेसिजका शाखा अध्यक्ष जेसि दिनेश बानियाँले बताउनुभयो ।
बिधिको शासन, बन्धुत्वको भावना, मानवताको सेवा लगायतका भावना सहित १८ बर्ष देखि ४० बर्ष भित्रको युवा हरुको नेतृत्व र ब्यक्तित्व बिकास गर्ने उद्देश्य राखेर जेसिसको स्थापना भएको हो । बिश्वब्यापी संस्था JCI अन्तर्गत नेपाल जेसिज अन्तरगत म्याग्दी जेसिजले बिभिना सामाजिक कार्यक्रम गर्दै आएको छ ।
कार्यक्रममा कारागार इन्चार्ज, नेपाल जेसिजका पुर्व राष्ट्रिय अध्यक्ष धनन्जय कुमार श्रेष्ठ , म्याग्दी जेसिजका निवर्तमान अध्यक्ष जेसी सुमन बानियाँ, म्याग्दी जेसिजका पुर्व अध्यक्ष खम थापा, सुरक्षाकर्मिहरु, जिल्ला कारागार म्याग्दीका प्रतिनिधि लगायत म्याग्दी जेसिजका संचालक समितिका पदाधिकारिको उपस्थिति रहेको थियो कार्यक्रम संचालन जेसि नबिन पौडेलले गर्नु भएको थियो
