बेनीको दिदि बहिनी सहकारीको १२ औं साधारण सभा सम्पन्न

देवी जिसी/बेनी, पुष-१४, म्याग्दीको  सदरमुकाम बेनीबाट आर्थिक कारोबार गर्दै आएको दिदीबहिनी बचत तथा ऋण सहकारी संस्थाले १२ औँ साधारणसभा सम्पन्न  गरेको छ । आज (शनिबार) जिल्ला समन्वय समितिको सभाहलमा सपन्न  बार्षिक साधारणसभाको उद्घाटन गण्डकी प्रदेश सभा सदस्य विमला गौचनले गर्नुभएको थियो । उद्दघाटन गर्दै प्रमुख अतिथि गौचनले प्रदेशसभा सदस्य गौचनले सहकारी ऐन नियमलाई प्रभावकारी रुपमा कार्यान्वयन गरेर संचालन गरेर अघि बढ्न आग्रह गर्नुभयो ।

उहाँले केही सहकारीको  गल्तीका कारण  राम्रा सहकारीलाई चुतौनी भएको उल्लेख गर्दे संचालक र  समिति शेयरसदस्यहरुले  संस्थालाई जनतामाझ बलियो र विश्वसनीय  बनाएर लैजान सक्रिय रहन आग्रह गर्दै उत्पादनमूलक क्षेत्रमा लगानी बढाउन  समेत सुझाव दिनुभयो ।

महिला मात्र शेयर सदस्य र संचालक समिति रहेको यस सहकारीमा ९१३ जना शेयर सदस्यको ४ करोड ९ लाख ७३ हजार २०० रुपैयाँ शेयर पँजी रहेको छ । सहकारीको लगानीतर्फ नौँ करोड चालिस लाख ९ हजार २२८ रुपैयाँ रहेको छ भने बचततर्फ ७ करोड ५८ लाख ५६ हजार ७१९ रुपैयाँ रहेको छ ।

सहकारीको जगेडा कोषमा ५२ लाख एक हजार नौँ रुपैयाँ रहेको छ । सहकारीले गतबर्ष १५ करोड ५९ लाख ९७ हजार सातँसय रुपैयाँको कारोबार गरेको प्रवन्धक समिक्षा ढुंगानाले जानाकारी दिनुभयो  । सहकारीको मुनाफा १८ लाख रुपैयाँ रहेको छ ।

साधारण सभाको अवसरमा सुमन गिरि र बाबुराम गिरीलाई “दम्पत्ति सम्मान”, निशा खत्रीलाई “साधारण बचत सम्मान”, सुजनी गौचनलाई “लखपति सम्मान”, शर्मिला जोशी श्रेष्ठलाइ “पेन्सन बचत सम्मान”, विनायक सुबेदीलाई “बाल बचत सम्मान”, लक्ष्मी गिरीलाई “सुनौलो बचत सम्मान”, ओशिन श्रेष्ठलाई “क्रमिक बचत सम्मान”, सकुन्तला श्रेष्ठलाई “सर्वाधिक हांजिरी सम्मान”, निर्मला श्रेष्ठलाई “पर्व बचत सम्मान”, मिलन रेग्मी र सम्पदा आचार्य (कक्षा १२ )लाइ “उत्कृष्ट विद्यार्थी सम्मान”लगायतका सम्मान  प्रदान गरेको थियो ।

संस्थाका अध्यक्ष विष्णुकुमारी गौतम सापकोटाको अध्यक्षतामा सम्पन्न  साधारणसभामा सल्लाकार एवम बेनी नगरपालिका उपप्रमुख ज्याती लामिछाने, संस्थाका सल्लाहकार जमुना आचार्यले प्रशिक्षण मुलक मन्तब्य र  शेयर सदस्य मध्यबाट सुनिता ढुंगानाले  राख्नुभएको थियो ।

कार्यक्रममा संस्थाको संस्थाकी कोषाध्यक्ष अम्बिका श्रेष्ठद्वारा आर्थिक प्रतिबेदन, सचिव जगत बानिया खत्रीद्वारा संस्थाको प्रगति प्रतिबेदन, लेखा संयोजक सारदा शर्माले लेखा प्रतिबेदन, ऋण उपसमितिका सदस्य  सन्तति कुमारी घर्ति क्षेत्रीले ऋण उपसमितिको प्रतिबेदन प्रस्तुत गर्नुभएको थियो ।

साधारण सभाको अबसरमा  बेनी न.पा.-६ का कल्पना चालिसेलाई रु पांच हजार पांच सय पचपन्न (रु.५,५५५ ) बराबरको सहयोग प्रदान, हड्डीको क्यान्सरबाट पिडित बेनी नपा -१० पात्लेखेतकी   मनिषा पाइजा (मनिका) लाइ रु पांच हजार पांच सय पचपन्न (रु.५,५५५ ) रुपैयाँ सहायोग गरिएको छ, त्यसैगरी आँखा उपचारको लागी  बेनी नपा १ रत्नेचौर निवासी भाव बहादुर खड्कालाई रु पांच हजार पांच सय पचपन्न (रु.५,५५५ ) सहयोग गरेको छ  ।

कार्यक्रममा संस्थाका अध्यक्ष सापकोटाले सहकारीले बचत र ऋणको  मात्र काम नगरि सामाजिक कार्य अन्तर्गत संस्थाले  मुष्ठीदान, सदस्य संरक्षण योजना, सुत्केरी भेटघाट, एकल महिला सम्मान,  विभिन्न दिवसीय कार्यक्रम, लैङ्गिक हिंसा विरुद्धको कार्यक्रम लगायतका सामाजिक कार्यहरु पनि गर्दै आएको बताउनुभयो ।

संस्थाकी उपाध्यक्ष सुगम श्रेष्ठको स्वागत, सचिव जगतकुमारी खत्रीको संचालन र प्रगति प्रतिवेदन, कोषाध्यक्ष अम्विका श्रेष्ठले आर्थिक प्रतिवेदन प्रस्तुत गर्नुभएको थियो । सहकारीले विभिन्न ब्यक्तिलाई आर्थिक लगायतको सहयोग गरेको साधारणसभामा शेयर सदस्यको उपस्थित थियो ।