न्यु वेष्ट पोइन्टले जित्यो २१ औं जेसिस कपको उपाधि

म्याग्दी, मंसिर-२४,  बेनिमा सम्पन्न २१ औ अन्तर मा.वी. जेसिस कपको उपाधी न्यु वेष्ट पोइन्ट स्कुलले जितेको छ । आइतबार बेनिको खुल्ला मन्चमा  सम्पन्न फाइनल खेलमा  माउन्ट एभरेष्ट आवासीय मावीलाई ट्राइवेकरमा  ६ का विरुद्ध सात गोल गर्दै वेष्ट पोइन्ट च्याम्पीएन बनेको हो ।

निर्धारित समयमा दुवै तर्फबाट गोल नभएपछि खेल ट्राइवेकरमा सुटआउटमा पुगेको  थियो । ट्राइब्रेकरमा न्यु वेष्ट पोइन्ट ले ६ का बिरुद्द ७ गोल गर्दै उपाधि जितेक हो । वेष्ट पोइन्ट ले यो सहित ६ पटक जेसिस कपको उपाधि जितेको छ । बिजेतालाई जेसीजकप, रनिङ शिल्ड, ट्रफि, मेडल र प्रमाणपत्र सहित नगद रु. ५२ हजार २२२ र उपबिजेतालाई ट्रफि, मेडल र प्रमाणपत्रको साथमा नगद रु. ३२ हजार २२२ पुरस्कार प्रदान गरिएको छ  ।

प्रतियोगितामा न्यू वेष्ट पोइन्टका घनिष्ट छन्त्याल म्यान अफ दी म्याच,राईजिङ खेलाडी माउण्ट एभरेष्टका सुशिल पुन, खेल अवधिमा ९ गोल गदैं सर्वाधिक गोलकर्ता न्यू वेष्ट पोइन्टका सनम थापा, उत्कृष्ट डिफेन्डर बेनी सामुदायिकका अनिश भण्डारी, उत्कृष्ट स्टाइकर माउण्ट एभरेष्टका समन विक, उत्कृष्ट गोलरक्षक न्यू वेष्ट पोइन्टका सिद्धार्थ पाइजा,उत्कृष्ट कोच न्यू वेष्ट पोइन्टका दिपेन राई र उत्कृष्ट खेलाडी न्यू वेष्ट पोइन्टका पवन खत्रीलाई जनही नगद रु २ हजार ५ सयको साथमा मेडल र प्रमाणपत्रद्धारा पुरस्कृत गरिएको छ । भने अनुशासित विद्यालय हेम मावि सिवाङ बनेको छ ।

सेमिफाईनलिष्ट बेनी सामुदायिक मावि र हेम मावि सिवाङलाई नगद रु ५/५ हजार प्रद्यान गरिएको थियो । जिल्लाका विभिन्न २३ विद्यालयले सहभागीता जनाएको प्रतियोगिता भब्यरुपमा सम्पन्न भएको म्याग्दी जेसीजका अध्यक्ष सुमन बानीयांले बताउनुभयो  ।

बिजेता, उपबिजेता र विभिन्न बिधामा उत्कृट खेलाडीहरुलाई प्रतिनिधिसभा सदस्य खमबहादुर गर्बुजा (खम्बिर), गण्डकी प्रदेशसभा सदस्य हरिबहादुर भण्डारी, जिल्ला समन्वय समितिका प्रमुख राजकुमार थापा, म्याग्दी जेसीजका अध्यक्ष सुमन बानिया लगायतले पुरस्कार वितरण गर्नुभएको थियो । चार दिनसम्म सञ्चालन भएको प्रतियोगितामा २३ वटा विद्यालयका कक्षा १० सम्म अध्ययन गर्ने विद्यार्थीहरु सहभागि भएका थिए । जेसीज कप फुटबल प्रतियोगिताले विद्यालयस्तरका  विद्यार्थीहरुको खेल क्षमता उजागर गराउन महत्वपूर्ण भूमिका खेल्दै आएको छ ।