म्याग्दी, कार्तिक -२५, म्याग्दीको बरङ्जाकि एक युवती म्याग्दीको बेनीबाट बेपत्ता भएकी छिन । जिल्लाको मंगला गाउँपालिका-३, बरंजा घर भई हाल बेनी नगरपालिका-८, क्याम्पसचोक बस्ने ३० बर्षिया पुष्पा सापकोटा चार दिनदेखि बेपत्ता भएकी हुन्। अस्पताल चोकस्थित नेशलन पाण्डे मेडिकलमा कार्यरत सापकोटा गएको कात्तिक २१ गते विहान पौने ११ बजे मेडिकलबाट निस्किएपछि परिवारको सम्पर्कमा नआएको परिवारले बताएको छ ।
अहिलेसम्म सम्पर्क हुन सकेको छैन, नातागोता इष्टमित्र सबैतिर खोज्डा पनि अहिले सम्म सम्पर्क हुन नसकेको र सिसीटिभीको फुटेज हेर्दाकालिपुल आसपास देखिएको सापकोटाका भिनाजु कमलराज शर्माले बताउनु भयो । उहाँका अनुसार मेडिकलमा काम गर्दागर्दै निस्किएकी पुष्पाको मोवाइल लोकेशनको अनुसन्धान गर्दा क्याम्पसचोकको टावर रेन्जभित्र रहेको देखिएको बताईएको छ । सिसिटिभी फुटेज र मोबाइलको लोकेशेरको आधारमा कालिगण्डकी नदीको मिलनचोकसम्म र पर्वत बेनी आसपासका क्षेत्रमा खोजीकार्य गर्दा फेला नपारेपछि परिवारमा थप चिन्ता थपिएको छ ।
बेपत्ता पुष्पाका आफन्तले खोजी गरिदिन र फेला पारेमा नजिकको प्रहरी चौकीमा खबर गरिदिन परिवारजनले अपिल गरेका छन् । यता प्रहरीले समेत बेनीबजारदेखि मालढुंगासम्म खोजीकार्य तिब्र पारेको र आफ्नो आधिकारिक फेसबुक पेजबाट समेत हराएको सुचना जारी गरेको छ।
