बेनी, असार-६, म्याग्दीको बेनी नगरपालिकाको ७ नं वडाले विभिन्न विधाका १० जना ब्यक्तीलाई सम्मान गरेको छ । बुधबार वडा कार्यालयले एक कार्यक्रमकोआयोजनागरी जेष्ठ नागरिक भुमिसरा घिमिरे, कार्यसम्पादनमा सहयोगी भूमिका खेल्ने बराहपाखो सामुदायिक बन उपभोक्ता समितिका अध्यक्ष बिष्णु गौतम, उपभोक्ता समितिको तर्फबाट रहमत खान, कौसिखेती तर्फ साधनाकुमारी श्रेष्ठ, सहयोगी उत्कृष्ट कार्यालयमा डिभिजन बन कार्यालय म्याग्दीलाइ सम्मान गरिएको थियो ।
त्यसैगरी खेलकुदतर्फ पुरानो खेलाडी रोशन राना, उदयमान फुटबल खेलाडी अनुपम श्रेष्ठ, पुर्ख्यौली पेशा तर्फ भिमबहादुर बिक, कृषि तथा पशुपालनमा सुरेश ढुंगाना र पत्रिकारिता क्षेत्रका हरिकृष्ण गौतमलाइ सम्मान गरिएको हो । उहाँहरुलाई जेष्ठ नागरिक सुर्यलाल पुर्जा, वडा अध्यक्ष रमेशकुमार श्रेष्ठ कार्यपालिका सदस्य सिर्जना श्रेष्ठ, सुजना किशान लगायतले कदरपत्र र दोसल्ला ओढाएर सम्मान गर्नु भएको थियो ।
वडाध्यक्ष रमेश कुमार श्रेष्ठले वडाभित्र बिभिन्न पेशामा आबद्द रहेकालाई आगामी दिनमा समेत सम्मान सहितका कार्यक्रमलाई निरन्तरता दिने बताउनुभयो । सम्मान कार्यक्रममा निबर्तमान वडाध्यक्ष राजेन्द्रकुमार श्रेष्ठ लगायतको उपस्थिति रहेको थियो ।
