जलजला, जेठ-८, पर्वतको जलजला -४, मल्लाज गुफामा संचालित शिवपुराण महायज्ञमा नवौं दिनसम्म १६ लाख ७७ हजार रुपियाँ संकलन भएको छ। शिवालय गुफामा शिव मन्दिर लगायतका भौतिक संरचनाको ब्यबस्थापन पुजारीको उत्तराधिकारीको निम्ति अक्षयकोष स्थापना गर्ने उद्देश्यले शिवालय गुफा संरक्षण समितिको आयोजनामा बैशाख ३१ गते देखि जेठ १० गते सम्म महापुराण आयोजना गरिएको हो ।
उत्तरी पर्वतको मल्लाजमा अवस्थित शिवालय गुफा संरक्षण समितिद्वारा संरक्षित, प्राचिन सम्पदा, ऋषिमुनि तथा तपिहरुको आश्रयस्थल धार्मिक, पुरातात्विक, सांस्कृतिक र पर्यटकीय महत्व बोकेको क्षेत्र हो । यस क्षेत्रमा बिक्रम सम्बत १९ ५४ सालमा दुर्गादत्त मल्लले शिवारत्रीको दिनमा शिवालय स्थापना गर्नु भएको थियो । पछी उहाँकी छोरी अम्बा मल्लले आफ्नो सम्पूर्ण सम्पत्ती, जग्गा जमिन समेत शिवालयको नाममा अर्पण गरी भौतिक संरचना निर्म्मान र नियमित पुजा-आज्ञा शुरुगर्नु भएको केदार पौडेलले बताउनुभयो ।
महायज्ञमा जलजला मल्लाज क्षेत्र र देश विदेशबाट समेत दान-सहयोग प्राप्त भैरहेको महायज्ञ मूल आयोजक समितिका अध्यक्ष टेक बहादुर जिसीले बताउनुभयो । उहाँले भन्नुभयो “यस क्षेत्रमा जन्मेर देशर बिदेशमा रहनुभएका व्यक्तिबाट मनग्य दान प्राप्त भैरहेको छ, स्थानियहरुले पनि आफु सक्दो दान गरिरहनु भएको छ यसले गर्दा पनि मानिसहरुमा आफ्नो थलो र धार्मिक आस्था कायमै रहेको देखिन्छ ।”
लेखा प्रबन्धक प्रेम बहादुर भण्डारीले दानदाताको उत्साह देख्दा २० लाखसम्म संकलन हुने बताउनु भयो । उहाँले भन्नुभयो यो रकम हामीले अपेक्षा गरे अनुसार नै हो त्यसपछि संरचना ब्यबस्थापन र नित्य पुजाका लागी पुजारीको ब्यबस्थापन गर्न सहज हुनेछ । उहाँले भन्नु भयो “यो भगवानको अनुकम्पा हो।”
महायज्ञमा विभिन्न आमासमुहले प्रसाद र खाना ब्यबस्थापन साथै विभिन्न ठाउँबाट भजन किर्तन मण्डलीहरुले निरन्तर भjन किर्तन सहित सहभागिता जनाएका छन् । जेठ १० गते साङ्गे (समापन ) गरिने महायज्ञमा सुमधुर वाणीका धनि पण्डित मुरारी पौडेलले कथा प्रबचन गरिरहनुभएको छ ।
