म्याग्दी, माघ-९, म्याग्दीको मंगला काफलचौरमा जीप दुर्घटना भएको छ सदरमुकाम बेनीबाट कुहुँ तर्फ जाँदै गरेको ग १ ज ६९३८ नम्बरको बोलेरो जीप मंगला गाउँपालिका, २ काफलचौरमा दुर्घटनाग्रत भएको हो । दुर्घटनामा एक यात्रुको मुत्यु भएको छ भने ७ जना घाइते भएका छन् ।
बेनीबाट १६ किलोमिटर पश्चिम कुहुँ काफलचौरमा ११.३० बजे उकालोमा दुर्घटनाहुँदा जीपमा सवार मंगला गाउँपालिका, १ की फौमाायाँ गर्वुजा (६१) को मृत्यु भएको हो । गम्भीर घाईते गर्वुजा उपचारकालागी सदरमुकाम बेनी पुर्याउँदा अस्पतालले मृत्यु घोषणा गरेको जिल्ला प्रहरी कार्यालयका सुचना अधिकारी राजन ढकालले बताउनुभयो ।
दुर्घटनामा परी गम्भीर घाईते हुनेमा मंगला गापा, १ की सन्तु केसी (३४), उनकी छोरी सिवानी केसी (१०) र छोरा रिवान केसी (५)लाई थप उपचारकालागी पोखरा रिफर गरिएको छ । अन्य घाईते मंगला गापा, १ का बबिना परियार (१५), टेकबहादुर गर्वुजा (३८), भमिकला नेपाली (५०) मंगला गापा, २ का विपना कार्की (२२) को बेनी अस्पतालमै उपचार भैरहेको छ ।
यात्रु ओराल्न उकालोमा गाडी रोकी टायरमा ओट राख्न खोज्दा जीप पछाडी गुडेर सडकमुनी खेतमा खसेको प्रहरीले जनाएको छ । जिपका चालक प्रहरी नियन्त्रणमा रहेका छन ।
