जलजला, माघ-८, पर्वतको जलजला गाउँपालिका -२ स्थित समाजकल्याण आधारभूत विद्यालयमा गोरख बहादुर लामिछाने चौथो स्मृति दिवस मनाइएको छ । कार्यक्रमका अवसरमा विद्यालयका विद्यार्थीहरुलाई शैक्षिक सामाग्री र पोशाक वितरण गरिएको छ ।
विद्यालयका पुर्व शिक्षक लक्ष्मी केसी लामिछानेद्वारा आफ्ना स्वर्गबासी ससुराको स्मृतिमा स्थापना गरिएको अक्षय कोषको ब्याजबाट शैक्षिक सामग्री र पोशाक वितरण गरिएको हो । केसीले आफ्ना स्वर्गीय ससुराको स्मृतिमा विद्यालयमा ५० हजार रुपियाँको अक्षय कोष स्थापना गर्नुभएको छ ।
चौथो स्मृति दिवसको अबसरमा विद्यालयका बालकक्षा देखि ५ कक्षा सम्मका प्रथम हुने बिद्यार्थीहरुलाइ जनही ५०० रुपैयाँ र अभिभाबक बिहिन छात्रा सुजु नेपालीलाइ न्यानो लुगा साथै अन्य बिद्यार्थीहरुलाइ शैक्षिक सामग्री बितरण गर्नुभएको हो । यसै अबसरमा आफ्नो जन्मदिनको अबसरमा जलजला-३ स्कुलचोक निवासी बबी जि सीले बिपन्न परिवारको छात्रा आयुमा नेपालीलाइ नगद तथा एकबर्ष सम्मको लागि शैक्षिक सामग्री बितरण गर्नु भएको छ ।
कार्यक्रममा बिद्यार्थीका तर्फबाट कक्षा ५ मा अध्ययनरत छात्र अजय नेपाली र छात्रा पुनम नेपाली, बि. ब्य. स.क पूर्व अध्यक्ष गोरे नेपाली, बडासदस्य शान्ति नेपालीले मन्तब्य ब्यक्त गर्नु भएको थियो । बिद्यालय ब्यबस्थापन समितिका अध्यक्ष बागबीर दमाईको अध्यक्षता, जलजला-२ का अध्यक्ष प्रकाश बहादुर घर्ति क्षत्रीको प्रमुख आतिथ्यता, कोषका संस्थापक लक्ष्मी के सीको बिशेष आतिथ्यता, स्वागत विद्यालयका प्रधानाध्यापक डम्वरबहादुर घर्ती क्षत्री र संचालन शिक्षक इन्द्र बि.क. ले गर्नु भएको थियो ।
