जलजला, माघ-६, पर्वतको जलजला गाउँपालिका वडा न ५ को ग्राम प्रकाश मा. वि. लेखफाटमा मंच निर्माण सम्पन्न भएको छ । जलजला ५ सिरुवारी निवासी सुवेदार भिमवहादुर जि सीले ३ लाख ५० हजारको लागतमा स्व तुलसी देवी स्मृति मञ्च निर्माण गर्नुभएको हो ।आफ्नी धर्मपत्नी स्व तुलसी जिसिको स्मृतिमा निर्माण गर्नु भएको मञ्चको बिहिबार एक कार्यक्रमका विच बिद्दयालयलाइ हस्तान्तरण गरिेएको हो ।
कार्यक्रमका प्रमुख अतिथि जलजला गाँउपालिकाका अध्यक्ष राजु आचार्यले आफ्नो समुदायको विद्यालयको विकासको लागी जिसि परिवारले गरेको सामाजिक कामको प्रशंसा गर्नुभएको थियो । ग्राम प्रकाश मा वि जिल्लाको पुरानो र नमुना बिधालय भएकाले यसको बिकासमा जोड दिन उहाँले आग्रह गर्नुभयो । यो क्षेत्र कृषिका लागी सम्भावना बोकेको क्षेत्र भएकोले आगामी दिनमा कृषि क्याम्पसको रुपमा स्थापित आफुले पहल गर्ने बताउनुभयो ।
मंच हस्तान्तरण कार्यक्रममा विद्यालयका अभिभावक, सामाजसेवीहरु राजैनीतिक व्यक्तित्वहरुको उपस्थिति रहेको थियो । कार्यक्रममा विद्यार्थीहरुले मनोरन्जनात्मक सास्कृतिक कार्यक्रम समेत प्रस्तुत गरेका थिए । कार्यक्रम विद्यालय ब्यबस्थापन समितिका अध्यक्ष महोदत्त सुवेदीको अध्यक्षता , सहायक प्रधानध्यापक नारायण मल्लको स्वागत र प्रधानध्यापक भवानीशंकर पौडेलको सञ्चालनमा सम्पन्न भएको थियो ।
भारतीय सेनाबाट सेवा निबृत सुबेदार भिम बहादुर जिसीले आफ्नी धर्म पत्नी स्व. तुलसी देवी जिसीको स्मृतिमा गत भदौमा ८ मिटर लम्बाई र ६ मिटर चौडाइको मंच निर्माणको सिल्यान्यास गर्नु भएको थियो । सुबेदार जिसीले भारतीय सेनाबा सेवा निवृत्त भैसकेपछि धार्मिक, सामाजिक बिकास र बाताबरण संरक्षणको क्षेत्रमा लागीरहनु भएको छ ।
