म्याग्दी, पुष-१८, म्याग्दी बहुमुखी क्याम्पसले ३२ औँ वार्षिकोत्सव तथा २१ औँ क्याम्पस सभा विविध कार्यक्रम गरी मनएको छ । आज आईतबार ३२ औँ बार्षिकोत्सव कार्यक्रमको प्रतिनिधि सभा सदस्य खमबहादुर गर्वुजा (खम्वीर) ले एक कार्यक्रमका विच उद्घाटन गर्नुभएको थियो ।
कार्यक्रममा बोल्दै प्रतिनिधिसभा सदस्य गर्वुजाले म्याग्दीको शैक्षिक विकास र उन्नतीमा म्याग्दी बहुमुखीले क्याम्पसले महत्वपुर्ण भूमिका खेलेको बताउनुभयो । उहाँले क्याम्पसलाई थप ब्यवस्थित पुर्वाधारयुक्त बनाउनका लागि आफ्नो क्षेत्रबाट सक्दो पहल गर्ने प्रतिवद्धता ब्यक्त गर्नुभयो ।
कार्यक्रमा संविधानसभा सदस्यद्वय गोविन्द्र पौडेल, रेशमबहादुर बानियाँ, जिल्ला समन्वय समिति प्रमुख राजकुमार थापा, बेनी नगरपालिकाका मेयर सुरत केसी, क्याम्पसका पुर्व अध्यक्ष हरीकुमार श्रेष्ठ, निर्वतमान अध्यक्ष बालकृष्ण सुवेदी लगायतले QAA मान्यता प्राप्त यस क्याम्पसको सुविधा सम्पन्न भौतिक पुर्वाधार निर्माण गर्दै शैक्षिक गुणस्तरमा थप सुधार मार्फत नमुना क्याम्पसको रुपमा विकास गर्न सबै क्षेत्रको सहकार्य आवश्यक रहनेमा जोड दिनुभएको छ।
कार्याक्रममा क्याम्पस प्रमुख गोरख बहादुर जिसीले क्याम्पसको वार्षिक प्रगती प्रतिबेदन पेरस्तुत गर्नु भएको थियो । क्याम्पस संचालन समितिका अध्यक्ष सोमनाथ ढुङ्गानाको अध्यक्षतामा भएको कार्यक्रममा क्याम्पस संचालन समितिका उपाध्यक्ष दिपेन्द्र श्रेष्ठको स्वागत, सहायक क्याम्पस प्रमुख श्रीधर सुवेदीको संचानलमा भएको कार्यक्रममा क्याम्पसका विद्यार्थीहरुले नृत्य प्रस्तुत गरेको थिए । क्याम्पसमा आयोजना गरिएको खेलकुद सप्ताहका विजेता खेलाडीलाई पुरस्कृत गरिएको थियो ।
