देवी जिसी/जलजला, कात्तिक-२६, पर्बतको जलजला-३ स्थित सफल महिला बचत तथा ऋण सहकारी संस्थाको साधारण सभा तथा अधिबेशन सम्पन्न भएको छ । आज (शनिबार) पर्बत बेनीमा संस्थाको दशौँ तथा चौथो साधारण सभा सम्पन्न भएको हो । अधिबेशनले अम्बिका भण्डारीको अध्यक्षतामा नयाँ कार्यसमिति चयन गरेको छ। संस्थाको उपाध्यक्षमा केशव कुमारी रेग्मी, सचिवमा पवित्रा देवी क्षेत्री, कोषाध्यक्ष बिष्णु कुमारी क्षेत्री र सहसचिवमा सिता कुमारी जैसी चयन हुनुभएको छ ।
त्यसैगरी नव गठित कार्यसमितिको सदस्यहरुमा लक्ष्मी कुमारी जोशी, सबिना श्रेष्ठ, सकुन्तला शाही खिम कुमारी सुबेदी रहनु भएको छ । त्यसैगरी लेखा संयोजकमा जुना जिसी र सदस्यहरुमा रेणु देवी मल्ल र यसोदा रेग्मी रहनुभएको छ । साधारण सभामा नियमित बचतकर्ता देवी रेग्मी, उत्कृष्ट बचतकर्ता संगीता बरुवाल जिसी, असल ऋणी तर्फ शकुन्तला शाही सर्बोत्कृष्ट बचतकर्ता सनम श्रेष्ठलाइ कार्यक्रममा सम्मान गरिएको छ ।
कार्यक्रममा प्रमुख अतिथि संस्थाका संस्थापक अध्यक्ष कल्पना सुबेदीले महिलाहरुले संचालन गरेको सहकारीले महिलामा बचतगर्ने बानीको बिकास मात्रै नभएर नेतृत्व बिकास र आर्थिक बिकासको आधार शिला तयार गरेको बताउनुभयो । उहाँले संस्थाका सदस्यहरुको क्षमता बृद्दिका लागी आफुले सक्दो सहयोग गर्ने समेत बताउनुभयो ।
कार्यक्रममा २०७९ सालको हरितालिका तीजमा संस्थाको प्रतिनिधित्व गर्दै म्याग्दीमा आयोजना भएको तिज गीत प्रतियोगितामा सहभागी भइ प्रथम स्थान हासिल गरी संस्थाको नाम राख्न सफल भएकोमा तिज गीत प्रतियोगितामा सहभागी कलाकार यशोधा जिसी भण्डारी, मिना जिसी भण्डारी सम्झना क्षेत्री, कल्पना बारुवाल लगायतको समुहलाई मायाको चिनो सहित सम्मान गरिएको थियो ।
साधारण सभामा अध्यक्ष अम्बिका भण्डारीले संस्थाको प्रतिबेदन, सचिव पवित्रा क्षेत्री खड्काले वार्षिक प्रगति प्रतिबेन र कोषाध्यक्ष बिष्णु बानिया क्षेत्रीले आर्थिक प्रतिबेदन प्रस्तुत गर्नु भएको थियो । संस्थाको कुल शेयर पुजी १ करोड ३० लाख ७ हजार रहेको छ भने संस्थाले ४ करोड १३ लाख २७ हजार ६३ रुपैया रहेको छ । महिलाद्वारा सञ्चालित सहकारीमा ३३० जना शेयर सदस्यहरु रहेका छन् ।
कार्यक्रममा संस्थाका सल्लाहकार इश्वोरी हमाल, गङ्गा बानिया, देवी जिसी, हरि गिरि, कमला बानिया थापा, रेणु मल्ल लगायतले मन्तब्य ब्यक्त गर्नु भएको थियो । कार्यक्रम संस्थाका अध्यक्ष अम्बिका भण्डारीको अध्यक्षता, सचिव पवित्रा क्षेत्री खड्काको संचालनमा सम्पन्न कार्यक्रममा स्वागत केशव कुमारी रेग्मी र संचालन पवित्रा क्षेत्री खड्काले गर्नु भएको थियो ।
