जलजला, असोज-२, पर्वतको जलजला मल्लाज स्थित कोत भगवती मन्दिरको २२ औं साधारण सभा तथा ९ औं अधिबेशन सम्पन्न भएको छ । शनिबार सम्पन्न भएको अधिबेशनले शान्ति जिसिको अध्यक्षतामा नया कार्यसमिति चयन गरेको छ । नव गठित समितिको उपाध्यक्षमा हरिबहादुर जिसी, सचिव नबिन जिसी, कोषाध्यक्ष सनिता कार्की, सहसचिवमा कुशल जिसी रहनुभएको छ ।
त्यसैगरी समितिको सदस्यहरुमा हरिबहादुर बरुवाल, बागबिर नेपाली, इन्द्र बरुवाल नवराज कार्की, सुबेदार चन्द्रबहादुर जिसी, सुबेदार खड्गराज कार्की, बीरबहादुर जिसी ,यज्ञश्वोर पौडेल, हेमा कार्की र शोभा जिसी रहनु भएको छ । साधारण सभामा संस्थाका अध्यक्ष डम्मरडम्बर ब घर्ती क्षत्रीले संस्थाको प्रगते प्रतिबेदन प्रस्तुत गर्नु भएको थियो भने, कोषाध्यक्ष धन ब क्षत्रीले आर्थिक प्रतिबेदन प्रस्तुत गर्नु भएको थियो । सोहि अवसरमा आआफ्नो कार्यकालमा मन्दिरको बिकासमा उत्कृष्ट कार्यगरेकोमा अध्यक्ष डम्बर बहादुर जिसीलाई सम्मान समेत गरिएको छ
बाइसेचौबिसे राज्यका पालामा निर्मित मल्लाज कोत भगवती मन्दिर यस क्षेत्रकै महत्वपुर्ण धार्मिक क्षेत्र मानिन्छ । हरेक वर्षको रामनवमी र बडा दशैँको समयमा पूजाआजा हुने उक्त कोत मन्दिरको दर्शन तथा पूजाआजा गरेमा मनोकाङ्क्षा पूरा हुने जनविश्वास रहेको छ । कोतमन्दिर प्रतिको धार्मिक विश्वास, ऐतिहासिकस्थल, मल्लाज दरबार र म्याग्दी सदरमुकाम बेनीबजारदेखि नजिक हुनु, पदमार्ग र सडकको सुविधा भएकाले यस स्थानलाई पर्यटकीय गन्तव्यका रुपमा विकास गर्न सकिने प्रशस्त सम्भावना रहेको छ ।
