मल्लाज भगवती कोत मन्दिरमा नवारत्रको पुजा आरम्भ र कोष स्थापना

जलजला, चैत-१९, जलजला स्थित मल्लाज भगवती कोत मन्दिरमा नवारत्रको पुजा शुभारम्भ भएको छ । नवरात्रको पहिलो दिन आज पुजा आरम्भ गरिएको हो । पुजा शुभारम्भको सुभ दिनमा तेजबिर स्मृति कोषको समेत स्थापना गरिएको छ । आफ्ना स्वर्गीय हजुरबुवा  तेजबिर बरुवालको स्मृतिमा  नाति अमृत बरुवाल र नातिनी बुहारी  विष्णुमाया बरुवालले १ लाख ११ हजार १ सय ११ रुपियाको कोष स्थापना गर्नु भएको हो  ।

पुजा आरम्भ तथा कोष स्थापना कार्यक्रममा भगवती मन्दिर ब्यबस्थापन समितिका सल्लाहकार क्याप्टेन टेक बहादुर जिसी, नेकपा एमालेका अध्यक्ष  एकिन्द्र बहादुर खत्री, नेपाली कांग्रेसका सभापति चन्द्र बहादुर खत्रीले शुभकामना मन्तब्य ब्यक्त गर्नुभएको थियो ।

कार्यक्रम वडा नं ३ का अध्यक्ष देबेन्द्र बहादुर भण्डारीको प्रमुख आतिथ्यता, मन्दिर ब्यबस्थापन  समितिका अध्यक्ष डम्बर बहादुर जिसीको अध्यक्षतामा सम्पन्न भएको कार्यक्रमको उपाध्यक्ष शान्ती जिसीको स्वागत र धान बहादुर जिसीको संचालनमा सम्पन्न भएको थियो ।