पर्वत, चैत-१३, युवा संघ जलजलाको अध्यक्षमा दिलिप बरुवाल चयन हुनुभएको छ । आज (आइतबार) आइतबार पर्वत बेनीमा भएको युवा संघको प्रथम अधिवेशनले बरुवालको नेतृत्वमा ५१ सदस्यीय जलजला गाउँपालिका कमिटी सर्वसम्मत रुपमा चयन गरेको हो ।
कमिटीको उपाध्यक्षमा कृष्ण पौडेल, सचिव विक्रम सुवेदी, सहसचिव मिजास फकामी, कृष्ण पौडेल र कोषाध्यक्षमा डेगबहादुर जिसी चयन हुनुभएको छ । नवनिर्वाचित पदाधिकारी र सदस्यहरुलाई युवा संघ नेपालका केन्द्रिय उपाध्यक्ष तथा गण्डकी प्रदेश इन्चार्ज सन्तोष रावलले पद तथा गोपनियताको सपथ खुवाउनुभएको थियो ।
नेकपा एमाले जलजला कमिटीका अध्यक्ष लालबहादुर अधिकारीले नवनिर्वाचित पदाधिकारी तथा सदस्यहरुलाई शुभकामना दिदै निर्वाचनमा एमालेलाई जलजलामा जिताउन युवाहरु अग्रमोर्चामा रहेर लाग्न अनुरोध गर्नुभयो । अधिवेशनको उद्घाटन नेकपा एमाले पोलिटव्यूरो सदस्य तथा युवा इन्चार्ज महेश बस्नेतको प्रमुख आतिथ्यतामा सम्पन्न भएको थियो । कार्यक्रममा पालिकाका ९ वटै वडाबाट युवाहरुको उपस्थिति रहेको थियो ।अधिवेशनमा नेकपा एमाले केन्द्रिय सदस्य तथा पर्वत सह इन्चार्ज सांसद पदम गिरी,जिल्ला अध्यक्ष राजुप्रसाद पौडेल,उपाध्यक्ष पदमपाणी शर्मा, युवा संघका केन्द्रिय उपाध्यक्ष सन्तोष रावल, नेकपा एमाले गण्डकी प्रदेश सदस्य नरबहादुर कार्कीलगायतले मन्तव्य व्यक्त गर्नुृभएको थियो ।
