पर्वत, मंसिर-४, नेपाली कांग्रेस पर्वतको मतगणना स्थगित भएको छ प्रदेश निर्वाचन क्षेत्र अधिवेशन अन्तर्गत क्षेत्र नं. १ मा मतगणनामा फर्जी मत भेटिएपछी मतगणना स्थगित भएको हो ।
हिजो राति सम्पन्न मतदानपछि मुचुल्का गरेर शिल लगाईएका बाकसमा खसेको मतभन्दा बढि भेटिएपछि मतगणना स्थगित भएको हो । कुल ६४२ मतदाता मध्ये ६२० मत खसेकोमा मतगणनाका लागि आज बिहान १० बजे सिल खोलेर मतपत्र गन्ने क्रममा ६ सय २४ मत पुगेपछि विवाद भएको हो ।
मतदान अधिकृतको सहिछाप बिनाका मत भेटिएपछि विवाद बढेको हो । क्षेत्र नं. १ को नेतृत्वका लागि कृष्ण केसी र राजकुमार क्षेत्रीको छुट्टाछुट्टै समुह प्रतिस्पर्धामा रहेको छ । फर्जि मत देखिएपछि सभापतिका उम्मेदवार कृष्ण केसीले भने धादली भएको भन्दै पुनः निर्वाचनको माग गर्नुभएको छ । निर्वाचन अधिकृत विष्णुप्रसाद शर्माले छापाखानावाट मतपत्र ब्याण्डिङ गर्ने क्रममा कमजोरी भएको बताउनुभयो ।
निर्वाचन समितिले ६ सय ५० मत छाप्न दिएको थियो । ती मध्ये ४ वटा अर्धकट्टीमा नम्वर नहानिएकाले समस्या भएको बताउनुभयो । अहिले निर्वाचन समितिले उक्त विषयका बारेमा दुवै उम्मेदवारलाई जानकारी गराउने र सहमतिकको प्रयास गरिरहेको र पुनः मतदानको सम्भावना नरहेको निर्वाचन अधिकृत शर्माले बताउनुभयो । उता क्षेत्र नं. २ मा भने अहिले मतदान जारी रहेको छ ।
