म्याग्दी, मंसिर-३, बालबिबाह न्युनिकरणका लागी ११ बुदे बेनी घोषणापत्र जारि गर्दै बेनीमा प्रथम जिल्लास्तरीय किशोरी सम्मेलन गरिएको छ । ३२ औंअन्तराष्ट्रिय बालाधिकार दिवस NOV 20 को अवसरमा संगम म्याग्दी, सामाजिक विकास कार्यालय, धवलागिरी गाउँपालिकासंग समन्वय र गल्स फस्ट फण्डको आर्थिक सहयोग जिल्लास्तरीय प्रथम किशोरी सम्मेलन गरिएको हो ।
समुदायमा रहेका गलत अभ्यासहरुलाई न्युनिकरण गराउने भूमिकामा किशोरीलाई सक्रिय गराउने उद्देश्यले आयोजना गरिएको कार्यक्रममा जिल्लाका २५ विद्यालयबाट एक सय भन्दा बढी विद्यार्थीहरुको उपस्थित भएको थियो । किशोरी सम्मेलन कार्यक्रममा संगम म्याग्दीका कार्यकारी निर्देशक भरतप्रसाद केसीले ११ बुदे घोषणा पत्र सार्वजनिक गर्नु भएको थियो । घोषणा पत्रमा उल्लेख गरिएको बुदाहरुलाई कार्यान्वयन गराउनका लागि सम्मेलनमा उपस्थित जनप्रतिनिधि, शिक्षक कर्मचारी र विद्यार्थी लगायतले हस्ताक्षर गरेर प्रतिवद्धता जनाएका थिए ।
घोषणपत्रमा बालबालिकाको अधिकार सुनिश्चित गर्ने, महिनावारी हुदाँ अध्यारो कोठा राख्ने प्रचलनलाई हटाउने, समाजमा रहेका अन्धविश्वास र रुढिबादी प्रचललन न्युनिकरण सक्रिय रहने, किशोरीलाई सुलभ शिक्षा दिन सराकोरवालाहरुलाई ध्यानाकर्षण गराउने, मुदायमा बालविवाह न्युनिकरण गर्न टोलटोलमा अभिभावकलाई सचेत गराउने काम सक्रिय हुने लगायतका प्रतिवद्धता उल्लेख गरिएको छ।
समाजमा २० बर्ष मुनीको किशोरी विवाह रोक्ने, यौनशोषण, हिंसा वलात्कार जस्ता अन्य घटनाहरुको अन्त्य गराउने पक्षमा किशोरीहरु र सरोकारवालाहरु एक हुने प्रतिवद्धता जनाएका छन् । सामाजिक समस्याको रुपमा रहेको बालविवाह न्यूनिकरण, किशोरीहरुको क्षमता अभिवृद्धि र नेतृत्व विकाससम्वन्धी प्रशिक्षण गरिएको संगम म्याग्दीका अध्यक्ष दिपक पौडेलले जानकारी दिनुभयो ।
कार्यक्रममा गैह्र सरकारी महासंघ म्याग्दीका निबर्तमान अध्यक्ष हरिप्रसाद पौडेलले यस्तो महत्वपूर्ण कार्यक्रममा जिल्लाका सरोकारवाला निकायका प्रतिनिधि, बिधायक, प्रशाशक उपस्थिति मात्रै जनाएर जाँदा कार्यक्रमलाइ बेवास्ता गरेको जस्तो आफुलाई लागेको बताउनुभयो । साथै उहाँले यस्ता कार्यक्रम सदरमुकाम र बेनी नगर भन्दा बाहिर गर्नुपर्ने भन्ने जन प्रतिनिधिले दिएको मन्तव्य प्रति कटाक्ष गर्दै “नगरपालिका भित्रै घटेका घटनाले के देखाउछ? यो कार्यक्रम बेनी नगर भित्रै आवश्तक छ ” भन्दै प्रतिपश्न गर्नुभयो ।
त्यसैगरी जिल्ला प्रहरी कार्यालय म्याग्दीका इन्स्पेक्टर बिरेंद्रराज गुरुंगले किशोरीका समस्या समाधान गर्न किशोर तथा पुरुषलाई घृणा गर्न नहुने समेत बताउनुभयो उहाँले जिल्लामा घटेका घटनाको तथ्यांक समेत प्रस्तुत गर्नु भएको थियो ।
कार्यक्रम किशोरी संजाल धवलागीरी गाउँपालिका अध्यक्ष करुणा परियारको अध्यक्षता, संगम म्याग्दीका शिक्षा अधिकृत चन्द्रप्रकाश बुढामगर संचालमा भएको थियो ।
