पर्वत, मङ्सिर-९, नेपाल कम्युनिष्ट पार्टी (एमाले)को आसन्न १०औँ राष्ट्रिय महाधिवेशनको सम्पूर्ण तयारी पूरा भएको छ । मङ्सिर १० देखि १२ गतेसम्म चितवनमा हुने महाधिवेशनको सम्पूर्ण तयारी पूरा भएको आतिथ्य शाखा नेकपा (एमाले) चितवनले जनाएको छ ।
देशैभरिबाट चितवन जानेको लर्को नै शुरु भएको छ । पर्वतको उत्तरी गाउँ जलजला ५ बाट पनि युवाहरु महाधिबेशनमा सहभागी हुन चितवन तर्फ प्रस्थान गरेका छन् । फरक फरक गरि जलजला ५ बाट मात्रै दुइ बस र एक जिपमा एमाले कार्यकर्ताहरु त्य्स्तार्फा प्रस्थान गरेका छन् । त्यसैगरी छिमेकी जिल्ला म्याग्दी बात १३ वटा बसमा एमाले कार्यकर्ताहरु चित्वन्तर्फा लागेका छन् ।
मङ्सिर १० उद्घाटन हुने महाधिवेशन स्थलमा मञ्च निर्माण, सेल्फी प्वाइन्ट निर्माण, गैँडाको मस्कट निर्माण सहितका सबै काम पूरा भएको,जिल्ला प्रवेश गर्ने विभिन्न नाका र जिल्लाका मुख्य राजमार्गमा ४५ भन्दा बढी स्वागतद्वार निर्माण गरिएका छन् ।
राजमार्गको दुवै छेउमा नेकपा एमाले र अनेरास्ववियुको झण्डा तथा ध्वजा पताका राखिएको छ । एमाले महाधिवेशनका लागि चितवनका राजमार्ग तथा महाधिवेशन स्थल र बन्दसत्र हुने स्थानलाई सिँगारिएको छ । महाधिवेशनको उद्घटन सत्रमा चितवनबाट मात्रै एक लाख र देशभरीबाट पाँच लाख जनसहभागिता जुनाउने गरी समन्वय भइरहेको छ ।
