पर्वत, असोज-२१, नेपालीहरुको महान चाड बडादशैं आजदेखि सुरु भएको छ । दशैंको पहिलो दिन आज घर घरमा घटस्थापना गरिएको छ । देवी, भगवती र कोत मन्दिरमा बिहान बिशेष पुजा अर्चना साथ् घटस्थापना गरिएको छ भने घर घरमा साँझ वा कतै कतै प्रतिपदाको दिनमा समेत जमरा राख्ने प्रचलन छ ।
पर्वतको जलजला स्थित मल्लाज कोत भगवती मन्दिरमा आज घटस्थापनाको साइत बिहान ११ बजेर ४६ मिनेटमा रहेको र सोहि साइतमा घटस्थापना गरिएको छ । बिहानै नित्यकर्म समाप्त गरी नजिकको नदी वा चोखो स्थलबाट बालुवा वा माटो ल्याई गाईको गोबरले लिपपोत गरिएको पूजा कोठा अथवा दशैं घरमा विधिपूर्पक घटस्थापना गरिएको छ ।
कोत मन्दिरमा विश्वशान्तिको कामना गर्दै देबिभागवत समेत आयोजना गरिएको छ । देविभागवाटको पण्डित जगन्नाथ पौडेलले बाचन/प्रवचन गरिरहनुभएको छ । कोरोनाको जोखिम कायमै रहेको अवाथामा यस वर्ष भने गत वर्ष वर्ष भन्दा केहि खुकुलो समेत पारिएको मल्लाज भगवती कोत पुजा संचालक समितिका सचिव नविन जिसीले बताउनुभएको छ । स्मार्ट लकडाउनको अवाधरणा र अहिले अधिकांशले खोप समेत लगाईसकेको अवस्थामा पुजा -आजा तथा दर्शनलाई खुकुलो पारिएको अध्यक्ष डम्मर जिसीले बताउनुभयो
बिगत बर्षको सुनसान अवस्थालाई चिर्दै यस वर्ष खेलकुदका कार्यक्रम र मनोरन्जनका कार्यक्रम समेत आयोजना गरिएको जिसीले बताउनुभयो । मल्लाजा भगवाति कोत यस क्षेत्र कै महत्वपूर्ण शक्ति पिठ हो ।
