पर्वत, भदौ-३, पर्बत बेनीमा सुख्खा पहिरोमा परि दुइजनाको ज्यान गएको छ जलजला गाउँपालिका–३ वारीबेनीमा बिहीबार अपराहन्न सुख्खा पहिरोले ग्यारेज पुरिदा एक जनाको घटनास्थलमै मृत्यु भएको हो ।
पर्बत र म्याग्दी जोड्ने पुल नजिकै रहेको रारा अटोमोवाइल्सको ग्यारेजमा गाडी मर्मतका लागि आएका एक जना सवारी धनीको मृत्यु र दुई जना मजदुर घाइते भएका वारीबेनी प्रहरी चौकीले जनाएको छ ।
घटनामा म्याग्दीको अन्नपूर्ण गाउँपालिका-८ राम्चेका अन्दाजी ३७/३८ वर्षका टेकमान गर्बुजाको घटनास्थलमै मृत्यु भएको छ भने भाग्ने क्रममा घाइते भएका मजदुर राजु ठाकुर र जन्की खानको म्याग्दीको बेनी अस्पतालमा उपचार भइरहेको छ । घाइतेको अवस्था खतरामुक्त रहेको छ । पहिरोले पुरिएर मृतक गर्बुजा धनी र चालक रहेको ग १ ज ६६३२ नम्बरको महिन्द्रा कम्पनीको बोलेरो जिप र ध १ ज ९८६ नम्बरको इको भ्याटमा क्षति पुगेको छ ।
पहिरोले ग्यारेज सञ्चालन भएको टहरा, गाडी मर्मत सम्बन्धी सामग्री पुरेर क्षति गरेको छ । गत वर्षपनि सोहि स्थानमा पहिरो जादा ग्यारेज पुरिएको थियो ।
