जलजला अनलाईनप्रकाशित मिति: २०७८ अषाढ १७, बिहिबार (४ साल अघि)
म्याग्दीको सिमलचौरमा जीप दुर्घटना : दुईको ज्यान गयो, ६ घाइते
तस्विर : सुरज केसीको फेसबुकबाट
९८९ पटक पढिएको
२०७८, असार-१७, म्याग्दीको मंगलामा जिप दुर्घटना भएको छ । बेनीबाट मंगला गाउँपालिकाको-२ सिमलचौर मिठौला हुँदै पूर्णगाउँ तर्फ जाँदै गरेको ग १ ज ७६५२ नम्बरको जीप बुधबार बेलुका मिठौला भन्ने ठाउमा दुर्घटना परेको हो । दुर्घटनामा २ यात्रुको घट्नास्थलमै ज्यान गएको छ भने अन्य ६ यात्रु घाइते भएका छन ।
दुर्घटनामा परी बेनी नगरपालिका- ५ डडुवाकी २० वर्षीया सविना भण्डारी र मंगला गाउँपालिका-१ का १३ वर्षीय बिमल विकको ज्यान गएको म्याग्दी प्रहरीले जनाएको छ । घाइतेहरु मध्ये ३ जनाको बेनी अस्पतालमा उपचार भइरहेको छ भने गम्भीर ३ जनालाई टाउकोमा चोट लागेकोले थप उपचारको लागि पोखरा पठाइएको छ ।
बेनी अस्पतालका अनुसार दुर्घटनामा परी घाइते हुनेमा मंगला गापा-१ पूर्णगाउँका सुदन आचार्य, एन्जिला भण्डारी, अनिल रसाईली, अदिना नेपाली, गिता खत्री,र अस्मिता राम्जाली रहेका छन् । सिमलचाैर भन्दा माथी मिठौलाको जोखिमयुक्त घुम्तिबाट तल नेवारे खोलामा पल्टिएर दुर्घटना भएको जिल्ला प्रहरी कार्यालय म्याग्दीका सुचनाधिकरी प्रहरी निरीक्षक बिरेन्द्र राज गुरुङले बताउनु भएको छ ।
