पोखरा, साउन-१२, पोखरामा रातको समयमा पार्किङ्ग गरेर राखेको एक बोलेरो पिकअप गाडी हराएको छ । पोखरा महानगरपालिका १२ स्थित वडा कार्यालय नजिकैबाट पार्किङ्ग गरेर राखेको गाडी हराएको हो ।
गत साउन ९ गते शुक्रबार राति ८:१५ बजेको समयमा ग २ च १६६५ नम्बरको महेन्द्रको बोलेरो गाडी हराएको हो सडकको छेउतर्फ पार्किङ्ग गरेर राखेको स्थानमा बिहान हेर्दा गाडी नभेटिएपछि प्रहरी कार्यालयदेखि साथी सर्कल सबै ठाउँमा खबर गरेको तर हालसम्म गाडी फेला नपरेको गाडी धनी बिकास ओझाले जानकारी दिनुभयो ।
आफैंले चलाएर ल्याएको गाडी सधैजसो पार्किङ् गरेर राख्ने सडकको छेउतर्फ पार्किङ्ग गरेर घर सुत्न गएको र बिहान जादा गाडी गायब, पार्किङ् गरेर राखेको ठाउँबाटै हराएको गाडीधनि ओझाले बताउनुभयो ।
आफुले ऋण काढेर निकै दुख गरेर दुवानिको प्रयोजनको लागि खरिद गरेको गाडी हराएको भन्दै ओझाले कलर फर्निचर ल्याण्ड लेखेको उक्त गाडी कहिँ कतै भेटिएमा ९८१५९७८७८७, ९८१५१३१४६१ वा ९८५६०३८७८७ मा खबर गरिदिन र शेयर गरेर खोजि कार्यमा सहयोग गरिदिन आग्रह समेत गर्नुभएको छ । पोखरान्युजको सहयोगमा
