सुर्यमुखी युवा क्लब देबिस्थानले लकडाउनले स्कुलजान बन्चित विद्यार्थीलाई पढाउन शुरु गर्यो

म्याग्दी, साउन-११,  सुर्यमुखी युवा क्लबले देबिस्थानमा निशुल्क कक्षा संचालन गरेको छ ।  जिल्लाको मालिका गाउपालिका ५, घरथोकमा गठित क्लबले विभिन्न बिद्यालयमा पढ्ने विद्यार्थीहरुका लागी निशुल्क कक्षा संचालन गरेको हो ।

लकडाउनको कारण अस्तब्यस्त भइ बसेका विभिन्न बिधायलमा अध्यरत बिद्यार्थीहरुलाइ  निशुल्क कक्षा संचालन गरेको क्लबका सदस्य दिप मगरले बताउनुभयो । उहाँले भन्नु भयो “लामो समय सम्म विद्यालय नखुल्दा विद्यार्थीहरु अन्योलमा परेको र पढ्ने बानीको बिकास होस भनेर  यसरी कक्षा संचालन गरिएको छ,  गाउँमै ६/७ जना +२ पास गरेका युवा हुनुहुन्छ, उहाँहरुले बिहान र बेलुका २ /२ घण्टा कक्षा लिईरहनु भएको छ । “

स्थानीय   प्रतिनर्मा आधारभुत बिधालयमा  प्रत्येक दिन बिहान ७:००-९०० र बेलुका बेलुकी ६:००-८०० बजे सम्म दुइ /दुइ घण्टा  कक्षा  संचालन गरिएको छ । साथै  पढ्न र सिक्न आउने बिद्यार्थीको लागि सुर्यमुखी युवा क्लबले  कपी र कलम पनि निशुल्क उपलब्ध गरेको छ ।  क्लवले गाउँमा शिक्षा, जनचेतना लगायतका  सामाजिक कार्य गर्दै आइरहेको छ  । गुरु पुर्णिमाको अवसरमा आफ्नो गाउँको विद्यालय  प्रांगण सरसफाई गर्नुको साथै फुल रोप्ने र  गाउका बाटो मर्मत र सरसफाई गरेको देबिस्थानाबाट  दिप मगरले बताउनु भयो ।