जलजला, साउन-४, जलजला गाउँपालिका पर्वतको प्रमुख प्रशासकीय अधिकृतमा राजेन्द्र बहादुर क्षेत्री सरुवा भै आउनुभएको छ ।
क्षेत्री कुश्मा नगरपालिकाबाट सरुवा भइ जलजला आउनु भएको हो । गाउँपालिकामा कार्यरत प्रमुख प्रशासकीय अधिकृत अर्जुन पौडेल सरुवा भएपछि क्षेत्रीले पदभार ग्रहणगर्नु भएको हो ।
प्रमुख प्रशासकीय अधिकृतको रूपमा पदभार ग्रहण गरेका क्षेत्रीलाई गाउँपालिका अध्यक्ष यामबहादुर मल्लले स्वागत गर्नु भएको छ । सोहि कार्यक्रममा पौडेललाई बिदाई समेत गरिएको छ । पौडेलको मुख्य मन्त्री कार्यलय गण्डकी प्रदेशमा सरुवा भएको हो ।
पदभार ग्रहण गरेपछि क्षेत्रीले कार्य सम्पादन गर्दा न्यायोचित र निश्पक्ष तरिकाले गर्ने प्रतिबद्धता ब्यक्त गर्नु भएको छ । क्षेत्रीलाइ स्वागत गर्दै अध्यक्ष मल्लले जनताले दुःख नपाउने गरी कर्मचारी प्रणाली मार्फत काम गर्न निर्देशन समेत दिनुभएको छ ।
