पर्वत, असार-२२, गैरआवासीय नेपाली संघ अन्तर्राष्ट्रिय परिषद् र अन्तर्राष्ट्रिय पर्वत समाजले नेपाल रेडक्रस सोसाइटी पर्वत जिल्ला शाखालाई एम्बुलेन्स उपलब्ध गराएका छन् ।
परिषद् सदस्य तथा समाजका सल्लाहकार अर्जुनकुमार श्रेष्ठको पहलमा करिब १४ लाख मूल्य बराबरको एम्बुलेन्स एक कार्यक्रमका बीच पर्वत रेडक्रसका सभापति रुद्रबहादुर रिमाललाई एम्बुलेन्स हस्तान्तरण गर्नु भएको हो ।
जिल्लाका थुप्रै ठाउँमा एम्बुलेन्सको आवश्यकता रहेको भए पनि रेडक्रसलाई सहयोग गरेपछि सबै नागरिकले सेवा पाउने भएकाले रेडक्रसलाई नै एम्बुलेन्स उपलब्ध गराइएको समाजका सल्लाहकार श्रेष्ठले बताउनुभयो ।
गैरआवासीय रूपमा विभिन्न देशमा रहेका नेपालीहरूसधैँ मातृभूमिप्रति समर्पित रहने बताउँदै आउँदा दिनमा पनि सहयोगलाई निरन्तरता दिइने बताउनुभएको छ । कार्यक्रममा पर्बत रेडक्रसका सभापति रिमालले दुवै संस्थासँगको सहकार्यमा एम्बुलेन्स उपलब्ध गराएकोमा सहयोगदाताहरूलाई धन्यवाद दिनुभएको छ ।
