पर्वत, असार-२२, जारी कोपा अमेरिका फुटबलमा ब्राजिल फाइनलमा प्रवेश गरेको छ । नेपाली समय सनुसार आज बिहान भएको खेलमा ब्राजिलले पेरुलाई १–० गोलले हराउँदै फाइनलमा प्रवेश गरेको हो । ब्राजिलका लुकास पाक्वेलाले खेलको ३५ औं मिनेटमा गोल गर्दै टिमलाई अग्रता दिलाएका थिए उनले गरेको गोल नै जितका लागी निर्णायक भयो ।
कोपा अमेरिका फुटबलको यो प्रतियोगितामा ब्राजिल अपराजित टोली हो । क्वार्टर फाइनलमा ब्राजिलले चिलीलाई र पेरुले पाराग्वेलाई हराउँदै सेमिफाइनलमा पुगेका थिए । ब्राजिलले अघिल्लो संस्करणमा पेरुलाई ३–१ ले हराएर उपाधि जितेको थियो । कोपा अमेरिकाको दोस्रो सेमिफाइनलमा भोलि बिहान अर्जेन्टिना र कोलम्बिया बीच हुनेछ ।
भोलि हुने दोश्रो सेमिफाइनलको “अर्जेन्टिना र कोलम्बियाबीचको विजेतासँग ब्राजिलले फाइनल खेल्नेछ ।
