पर्वत, जेठ-१२, मंगलबार गण्डकीमा १५४९ जना संक्रमित थपिएका छन् भने १२७७ जना कोरोनामुक्त भएका छन् । प्रदेश स्वास्थ्य निर्देशनालयको कोरोना सम्बन्धी दैनिक विज्ञप्ति अनुसार पछिल्लो २४ घण्टामा गण्डकीका ३ हजार ३६८ जनामा गरिएको नमुना परीक्षणमा थप १५४९ जनाको रिपोर्ट कोरोना पोजेटिभ आएको हो।
आज पुष्टि भएका संक्रमित हरुमा कास्कीका ४४० जना, पर्वतका ९२ जना, बाग्लुङका दुई जना, म्याग्दीका ५१ जना र मुस्ताङ जिल्लाका ४४ जना, तनहुँका ६२ जना, गोरखाका २२३ जना, लमजुङका २३९ जना, नवलपुरका १५६ जना र स्याङ्गजाका २४० जनामा कोरोना पुष्टि भएको जारी विज्ञप्तिमा जनाइएको छ।
त्यस्तै मंगलबार पनि गण्डकीमा थप १९ जनाको मृत्यु पुष्टि भएको छ। आज पुष्टि भएका मृतकहरु कास्कीका नौ जना, तनहुँका दुई जना, गोरखाका एक जना, लमजुङका एक जना, नवलपुरका एक जना, स्याङ्गजाका दुई जना, पर्वतका एक जना, बाग्लुङका एक जना र मुस्ताङ जिल्लाका एक जना छन् ।
