पर्बत, बैशाख-२४, पर्बतमा जिप दुर्घटना हुदा १७ जना घाइते भएका छन् । जिल्लाको कुश्मा नगरपालिका १० पिपलटारीमा शुक्रबार बिहान मलामी बोकको जीप दुर्घटना हुँदा पर्वतमा १७ जना घाइते भएका हुन् । कुश्मा नगरपालिका १३ खौलालाँकुरीबाट जिल्ला अस्पताल कुश्मा आउँदै गरेको ग २ च ५२१३ नम्बरको जीप कुश्मा नगरपालिका १० सिमखेतमा दुर्घटनाभएको हो ।
घाइतेहरुको अहिले पर्वत जिल्ला अस्पतालमा उपचार भइरहेको छ । गम्भीर घाइते १६ वर्षीय अमन परियार र ५७ वर्षीय माने परियारलाई थप उपचारका लागि पोखरा पठाउने तयारी भइरहेको जिल्ला प्रहरी कार्यालय पर्वतका प्रहरी नायव उपरीक्षक विश्वराज अधिकारीले बताउनुभयो ।
घाइतेहुनेमा रामचन्द्र परियार, शक्ति परियार, बलबहादुर परियार, डिलबहादुर परियार, मिठु परियार, सुमित परियार, रविना परियार, अंकित परियार, उज्वल परियार, बाबुराम परियार, डिले परियार, मिन परियार, अनिनाथ परियार, अमृशा परियार र पृथ्वी परियार रहेका छन् । उनीहरु सबै एकै गाउका हुन् । जीपका चालक अनिनाथ परियार सामान्य घाइते रहेका र उनलाई प्रहरीको निगरानीमा उपचार भइरहेको बताइएको छ ।
जिल्ला अस्पताल पर्बतमा अस्पतालमा मृगौला डायलासिस गराउने क्रममा मृत्यु भएकी कुश्मा नगरपालिका १३ खौलालाँकुरीकै विष्णु परियारको शव जिम्मा लिनका लागि अस्पताल आउने क्रममा सो जिप दुर्घटना भएको हो ।
क्षमताभन्दा बढी यात्रु स्वर रहेक जिप भिरालो सडकमा अनियन्त्रित भइ दुर्घटना भएको जिल्ला ट्राफिक कार्यालय पर्वतले जनाएको छ ।
