११ वैशाख, काठमाडौँ त्रिकोणात्मक टी–२० सिरिज को उपाधि नेपालले जितेको छ । आज भएको फाइनल खेलमा नेदरल्याण्डलाइ हराउदै नेपालले उपाधी जितेको हो ।आज भएको खेलमा जितका लागी कुशल भुर्तेलले सर्बाधिक ५३ बलमा ७७ रन बनाएका हुन् । उनले ५३ बलमा ८ चौका र ३ छक्का प्रहार गरेका थिए ।
नेपालले दिएको बिशाल स्कोर २३८ लाइ नेदरल्याण्डले पछ्याउन सकेन १७.१ ओभरमा सबै विकेट गुमाएर कुल ९६ रन मात्र बनायो ।
टस हारेर पहिले ब्याटिङ गरेको नेपालले निर्धारित २० ओभरमा ३ विकेट गुमाएर २३८ रन बनाएको थियो । टी–२० अन्तर्राष्ट्रिय खेलमा नेपालको यो सबैभन्दा ठूलो योगफल हो । नेपालले सन् २०१९ मा भुटानविरुद्ध २ सय ३६ रनको योगफल तयार गरेको थियो ।
ब्याटिङमा नेदरल्याण्डका दुई खेलाडी रन आउट भए भने २ विकेट कमल ऐरीले लिए । यस्तै करण केसीले ३ विकेट लिए भने सन्दीप लामिछानेले पनि २ विकेट लिए । नेदरल्यान्डसँगको पहिलो खेलमा भुर्तेलले ६१, मलेसियासितको खेलमा ६१ तथा नेदरल्याण्डस्सितको दोस्रो खेलमा ६२ रन बनाएका थिए ।
त्यसै गरी कुशल मल्लले अविजित ५० रन बनाउँदा उपकप्तान दीपेन्द्र सिंह ऐरी ४८ रनमा नटआउट रहे । कुशल र दीपेन्द्रले चौथो विकेटका लागि अविजित ७७ रनको साझेदारी गरे । २० बलमा ५० बल बनाएका कुलशको टी–२० अन्तर्राष्ट्रियमा यो पहिलो अर्धशक हो । १८ बलमा ४८ रन बनाएका दीपेन्द्र भने अर्धशतक बनाउन दुई रनले चुके ।
कप्तान ज्ञानेन्द्र मल्लले १९ बलमा ३३ र आसिफ शेखले ८ बलमा १६ रन जोडे ।
