पर्बत, बैसाख १- जलजला ५ लेकफाटमा भवन उद्घाटन तथा नयाँ वर्ष शुभकामना आदान-प्रदान कार्यक्रम सम्पन्न भएको छ । बैसाख १ गते नया बर्षको अवसरमा आमा समुहको नव निर्मित भवन उद्घाटन गरिएको हो । बिक्रम सम्बत २०७८ को पावन अवसरमा जलजला गाउँपालिकाका अध्यक्ष याम बहादुर मल्ल (रामकृष्ण) नवनिर्मित भवनको उद्घाटन गर्नु भएको हो । उद्घाटन कार्यक्रम संगै शुभकामना आदान प्रदान समेत गरिएको छ ।
भवन निर्माणका लागी जलजला गाउँपालिकाको २लाख ५० हजार, जलजला ५ का बाबुराम कार्कीबाट २५ हजार, जलाजहा ४ फट्केढुङ्गा निवासी लाल बहादुर मल्लबाट २४ हजार, भूमेथान आमा समुहको ८१ हजार ४ सय र ६६ हजार ४ सय बराबरको जनश्रम दान गरि कुल ४ लाख ४६ हजार ९ सय ९० रुपैयाँको लागतमा भवन निर्माण भएको हो ।
कार्यक्रममा जलजला गाउँपालिकावडा नम्बर २ का अध्यक्ष गोबिन्द प्रसाद खत्री, ३ का अध्यक्ष देबेन्द्र बहादुर भण्डारी, ४ का अध्यक्ष भिष्म मल्ल, ५ का अध्यक्ष तिलक बहादुर जिसी जिल्ला समन्यसमिति पर्वतका सदस्य ओम प्रसाद रेग्मी, नेपाली कांग्रेसका महाधिबेसन प्रतिनिधि तथा समाजसेवी गोबिन्द पौडलले शुभकामना मन्तब्य ब्यक्त गर्नु भएको थियो ।
कार्यक्रम आमा समुहका अध्यक्ष अध्यक्ष सीता पौडेलको अध्यक्षता, जलजला गाउँपालिका प्रमुख याम बहादुर मल्लको प्रमुख आतिथ्यता, रेखा आचार्यको स्वागत र भगवती पौडेल केसिको संचालनमा सम्पन्न भएको लेकफाटबाट जनक पौडेलले जलजला अनलाइनलाई बताउनुभएको छ ।
