बाग्लुंग, चैत १९, सहकारी दिवसको अवसरमा रक्तदान कार्यक्रम गरिएको छ। ६४ औं राष्ट्रिय सहकारी दिवसको अवसरमा बागलुङको कोअपरेटिभम्यानेजर्स क्लवले रक्तदान कार्यक्रम गरेको हो ।
रक्तदान कार्याक्रममा बोल्दै नेपाल रेडक्रस सोसाईटी बागलुङका उपसभापती राजेन्द्र आचार्यले रक्तदानगर्नु पवित्र कार्य भएको बताउनुभयो । उहाँले रक्तदान गर्ने मानिसले जीवनदान गरेको भन्दै आगामी दिनमा पनि यस्ता कार्यक्रमको आयोजना गर्न आग्रह गर्नुभयो ।
कार्यक्रममा बागलुङ कोअपरेटिभम्यानेजर्स क्लवका अध्यक्ष दिपक राजभण्डारीले सहकारी संघ संस्थाहरु आपसमा सहकार्य गर्दै सामाजिक कार्यमा अगाडी बढनुपर्ने बताउनु भयो । उहाँले व्यक्ती र संस्थाको आर्थिक उन्नती सँगै शिक्षा र स्वास्थ्यमा पनि सहकारीले सामाजिक सदभाव राख्दै कामगर्नुपर्ने मा जोड दिनुभयो ।
रगत अभावकै कारण कसैको पनि उपचारमा समस्या नहोस भन्ने उद्देश्यले रक्तदान कार्यक्रमको आयोजना गरेको र सहकारीकर्मी रक्तदान गर्न जुनसुकै समय पनि तयार रहेको समेत बताउनुभयो । कार्यक्रममा १५ जना सहकारीकर्मीले रक्तदान गरेका थिए ।
