जलजला -५ लेकफाट स्थित शिवालय प्राथमिक विद्यालय गिद्देश्वोरका छात्रा छात्रहरुलाई प्रेम केसीले कापी कलम वितरण गर्नु भएको छ । जलजला ५ दुलेपानी डिम्मर कटेरा निवासी प्रेम केसीले आफुले अध्ययन गरेको विद्यालयका २७ जना विद्यार्थीहरुलाई कापी कलम वितरण गर्नु भएको हो ।
रोजगारीको शिलशिलामा लामो समय कोरियामा बसी स्वदेश फर्कनु भएका केसीले विद्यार्थीहरुलाई थोरै भएपनि सहयोग होवोस भन्ने उद्देश्यले कापी कलम वितरण गरेको बताउनु भयो । हाल प्रेम केसी जलजला गाउँपालिका वडा नं ७ मिलनचोक बस्दै आउनुभएको छ ।
विद्यालय ब्यबस्थापन समिति अभिभावकहरुको उपस्थितिमा एक कार्यक्रमको योजना गरि सो सामग्री वितरण गरिएको हो । कार्यक्रम जलजला गाउँपालिका वडा नं ५ का वडाध्यक्ष तिलक बहादुर जिसीको प्रमुख आतिथ्यता बिद्यालय ब्यबस्थापन समितिका अध्यक्ष लोकनाथ पौडेलको अध्यक्षता, जिल्ला समन्वय समिति पर्वतका सदस्य ओम प्रसाद रेग्मी. नेपाली कांग्रेस महाधिबेशन प्रतिनिधि लेकफाटका गोबिन्द पौडेलको विशिस्टआतिथ्यतामा सम्पन्न कार्यक्रमको संचालन विद्यालयका प्रधानाध्यापक सोमप्रसाद शर्मा र स्वागत शिक्षक घनश्याम पौडेलले गर्नु भएको सोम प्रसाद शर्माले बताउनु भएको छ ।
