माघ २८- मल्लाज /आफ्नो जन्मदिनको अवसरमा एक व्यक्तिले विद्यार्थीलाई स्टेशनरी कपडा सहयोग गर्नु भएको छ । पर्बत जिल्ला अस्पताल कुश्मामा कार्यरत स्वास्थ्यकर्मी सरस्वति बोहराले आफ्नो जन्मदिनको अवसरमा जलजला -२ स्थित समाजकल्याण आधारभूत विद्यालय गैराटोलका ९जना जेहेन्दार बिपन्न एवं सहारा बिहिन र अपाङ्ग विद्यार्थीहरुलाई शैक्षिक सामग्री, झोला लगायत १० हजार बराबरको सामाग्री वितरण गर्नुभएको हो ।
बागलुंग नगरपालिका वडा नम्बर २ मा जन्मनुभएका बोहोरा जलजला ४ भवानीपानी निवासी जलजला गाउपालिकको स्वास्थ्य संयोजक राजु बोहोराको धर्मपत्नी हुनुहुन्छ । जन्मदिनको अवसरमा यसरी विद्यार्थीहरुलाई सहयोग गर्न पाउदा आफुलाइ निकै खुसि लागेको उहाँले बताउनुभयो । तडक भडक रुपमा जन्मदिन मनाएर खर्च गर्नु भन्दा सानो सहयोगले विद्यार्थीको पढाइलेखाइमा भएपनि सहयोग हुनेहुदा आफुले यसो गरेको उहाँले बताउनु भयो ।
विद्यालयमा एक कार्यक्रमको आयोजना गरि सामाग्री वितरण गरिएको थियो । कार्यक्रम विद्यालय ब्यबस्थापन समितिका अध्यक्ष बागबिर नेपाली जलजला गाउँपालिकाका स्वास्थ्य संयोजक राजु बोहोराको प्रमुख आतित्यथा, प्रधान अध्यापक डम्बरबहादुर जिसीको स्वागत र शिक्षक इन्द्र बहादुर विश्वकर्माको संचालनमा सम्पन्न भएको विद्यालयका प्रधानाध्यापक डम्बरबहादुर जिसीले बताउनु भयो ।
