साहित्यकार मोहन बहादुर मल्लको ११० औं जन्म जयन्ति मनाइएको छ । जलजला ४ मिलनचोक स्थित मोहन स्मृति भावनमा एक कार्यक्रमको आयोजना गरी नेपाली भाषा साहित्यका महान लेखक मल्लको साहित्यिक योगदानलाई स्मरण गर्दै “मोहनबहादुर मल्ल स्मृति समिति”को आयोजनामा माघ २३ गते जन्मजयन्त्ति मनाइएको हो ।
कार्यक्रममा “मोहनबहादुर मल्लका उपन्यासमा सामाजिक यथार्थवाद” शीर्षकमा शोधपरक, समीक्षात्मक एवम् विष्लेषणात्मक कृति प्रकाशित गरी सोही बिषयमा विद्यावारिधी (PHD) गर्नु हुने डा. षडानन्द पौड्याल, पाङ, पर्वत (हाल : काठमाडौं) लाई कदरस्वरुप २५ हजार नगद सहित सम्मान गरिएको छ । साथै सो कार्यक्रममा “मोहनबहादुर मल्ल स्मृति समिति” को नाममा निर्माण गरिएको अक्षय कोषका लागि थप आर्थिक सहयोग प्रदान गर्नु हुने ई. निर्जन मल्ल एवम् प्रार्थी शाही मल्ल, प्रज्ञा राणा र निशान विक्रम राणा समेतलाई सम्मान-पत्र वितरण गरिएको थियो।
पर्बत, बागलुङ, म्याग्दीका साहित्यकारहरु उपस्थित रहेको कार्यक्रम संस्थाका संरक्षक समेत रहनुभएका वरिष्ठ अग्रणी साहित्यकार काजी रोशन ज्यूको प्रमुख आतिथ्यता, अजयामिलन श्रेष्ठको संचालनमा सम्पन्न भएको थियो । कार्यक्रमा मोहन बहादुर साहित्य प्रतिस्ठानका अध्यक्ष रघुनाथ आचार्य,चन्द्र बहादुर लामिछाने लगायतले कबिता बाचन गर्नु भएको साहित्यकार लामिछानेले बताउनु भयो ।
