बेनिबजारको कालीपुल र अस्पताल चोकको तल्लो चोकमा चोकमा शिवको मुर्ति राखिएको छ । म्याग्दी उद्योग बाणिज्य संघद्वारा मुर्तिको स्थापना गरिएको हो । मुर्तिको माघ २४ गते अनावरण गरिने कार्यक्रम रहेको छ भने काम अन्तिम चरणमा पुगेको छ । स्थापनाको ५० औं अवसरमा मुर्ति स्थापना गरिएको म्याग्दी उद्योग बाणिज्य संघका अध्यक्ष उत्तम कर्माचार्यले बताउनुभयो ।
दोश्रो पशुपतिनाथको रुपले परिचित पबित्र गलेश्वर धाम र चार धाम मध्यको एक धाम मुक्तिनाथ प्रवेश गर्ने स्थानमा शिवको मुर्ति स्थापना गर्दा धार्मिक पर्यटनलाई टेवा पुग्ने बताइएको छ प्रहरेक बर्ष बर्षायाममा माथिबाट आउने बाढी लेदोले अस्त-व्यस्त बनाउने क्षेत्रमा स्थापना गरिएको शिव मुर्ति शुरक्षाको हिसावले उपयुक्त नभएको स्थानीय बताउछन । उनीहरुले भने “अव यति काम भएपछी मुर्ति जोगाउन भए पनि बाढी ब्यबस्थापन अवस्य हुनेछ, त्यसलाई पनि शिवकै कृपा मान्नु पर्ला ।”
जिल्लाको मुख्य बसपार्क जिल्लाबाट बाहिर र जिल्ला भित्र छुट्ने जिप तथा ट्याक्सी पार्क पनि भएकोले ट्राफिक ब्यबस्थापन गर्न घुम्तीको राम्रो काम गर्ने सवारी चालक बताउछ्न ।
मुर्तिको माघ २४ गते राष्ट्रिय सभाका अध्यक्ष गणेश तिमिल्सेनाले उद्घाटन गर्ने कार्यक्रम रहेको उद्योगबाणिज्य संघले जनाएकोछ ।
