जलजला गाउँपालिका ३ डिलफाँट नजिकै रहेको गुफा प्रचार प्रसारको अभावमा ओझेलमा परेको छ । कालिपुल-डिलफाँट सडक अन्तर्गत नागको थान नजिकै रहेको गुफा प्रचार प्रसारको अभावमा ओझेलमा परेको हो । धेरै पहिलेदेखि नै पत्ता लागेको यो गुफा पर्बतको कुस्मामा रहेको गुप्तेश्वोर गुरा जत्तिकै लामो रहेको स्थानीयले बताएका छन् । गोठालाहरु घाँस दाउरा गर्न जादा धेरै पहिले नै यो गुफा भेटेको कुरा आफुले सुनेको र भित्र छिर्दा निकै लामो रहेको कुरा पारी बेनी निवासी हेमन्त बम थापाले बताउनु भयो ।
“गुफा केहि साँघुरो छ एक दुइ ठाउँमा निकै अफ्ठेरो पनि छ तर भित्र सम्म बत्तिको ब्यबस्था गर्न सके र पैदल बाटोबाट सजिलै पुग्न सकिने गरि पुर्वा बनाउन सक्ने हो भने पर्यटनमा यसले ठुलो योगदान पुर्याउन सक्छ” स्थानीय चिरिन्जीवी बरुवालले बताउनु भयो ।
वडा नम्बर ३ का बासिन्दा एवं समाजसेवी क्याप्टेन टेकबहादुर जिसीले बेनीबाट नजिकै रहेको यो ठाउँमा मार्निंग वाकका लागि आउने व्यक्ति र बाहिरबाट आउने पर्यटकलाई समेत ल्याउन सकिने गरि पूर्वाधार तयार गर्न सकिने बताउनु भयो । जलजला ३ का वडा अध्यक्ष देबेन्द्र भण्डारी ले यो ठाउँलाई वडा र गाउको पर्यटकीय गन्तव्यको रुपमा चिनारी गराउदै बिकास गर्न बिस्तृत योंजना नै बनाउने बताउनु भयो ।
गुफामा पुग्न कालिपुल-डिलफाँट मार्ग अन्गर्गत केलिपुलाबात २० मिनेट अको दुरीमा पर्ने नागको थाना नजिकै पैदल मार्गबाट करिव ३० मिटर मात्रै दुरी रहेको छ । भिरालो पाखो भएकोले धेरैको नजर त्यता नपुगेको देखिन्छ तर बेनिबजार बात सजहै पुग्न सकिने यो ठाउ प्रष्ट सम्भावना बोकेको स्थल हो ।
तस्विर :
