म्याग्दी, साउन-१७, म्याग्दीको रुममा पहिरोमा परेर २ जनाको ज्यान गएको छ । जिल्गालाको मालिका गाउँपालिका–२ रुमको तामिङमा मंगलबार बिहान पहिरोले घर बगाउँदा दुुई जनाको मत्यु भएको हो भने ३ जना वेपत्ता भएका छन् ।
मालिका गाउँपालिकाका प्रमुख प्रशासकीय अधिकृत हेमराज काफ्लेका अनुसार घामबहादुर बिक र गोठे बिकको घर पहिरोले पुरिएको हो । घटनास्थलमा रहनुभएका तारा रोकाका अनुसार गोठे बिकका छोराहरु राजन र नविनको शव भेटिएको छ । त्यस्तै ५ वटा खच्चड र अन्य खाद्यान्न समेत पहिरोले बगाएको छ ।
गोठे र उहाँकी श्रीमति गोरी बिक पहिरोमा परेर घाइते भएका छन् । बेपत्ता भएका घमबहादुर, उनकी श्रीमति राममाया र छोरी रोजी बिक को खोजिकार्य भैरहेको छ । लगातारको झरीका कारण खोजीकार्य कठिन भएपनी स्थानीयबासीहरुले वेपत्ताको खोजी गरिरहेका छन् ।
